Read Hmong Njua Teev Npe 34 Bible Online

Teev Npe 34 - Hmong Njua bible

Teev Npe 34

¹Tug TSWV has rua Mauxes has tas,

²“Koj yuavtsum qha tej lug nuav rua cov tuabneeg Yixalayees has tas, ‘Thaus mej moog rua huv lub tebchaws Kana-aas kws kuv muab rua mej lawm, mej tej nrimteb kws yog mej lub tebchaws yuav muaj lawv le nuav:

³Saab qaabteb, tug nrim txij ndlua ntawm taj suabpuam Xees lawv cov Edoos tug nrimteb. Pib kag ntawm saab nubtuaj qaabteb lug xaus rua ntawm Havtxwv tuag.

⁴Ces mej tug nrimteb yuav tig moog rua saab qaabteb ncaaj nraim moog rua ntawm lub dlawm Alanpees hab hlaa moog rua ntawm taj suabpuam Xees hab moog txug ntawm Kades Npane-as saab qaabteb. Ces tug nrimteb nkhaus rov nce toj moog rua saab qaumteb nubpoob moog rua Haxas Adales hab moog txug ndlua rua ntawm Axemoos,

⁵tug nrimteb yuav nkhaus lawv lub haav ntawm Iziv tug nrimteb moog xaus rua peg Havtxwv Meditelanees.’

⁶“Saab nubpoob tug nrimteb lawv ntug Havtxwv Meditelanees nce toj.

⁷“Saab qaumteb tug nrimteb yuav lawv ntug Havtxwv Meditelanees moog rua peg lub Roob Haules

⁸hab pib ntawm lub Roob Haules, mej hom ncaaj nraim moog txug ndlua rua ntawm txujkev kws moog rua ntawm lub dlawm Hamas, hab tug nrimteb dlhau qhov ntawd moog txug ndlua ntawm Xedas,

⁹hab moog txug rua ntawm Xifaloos, moog xaus rua ntawm Haxas Enas.

¹⁰“Saab nubtuaj, mej hom tug nrimteb pib kag ntawm Haxas Enas moog rua ntawm Sefas.

¹¹Ces tug nrimteb yuav lem moog rua saab qaabteb, moog txug rua ntawm Linpelas saab nubtuaj ntawm lub nroog Ayees, hab moog txug ntawm cov laaj roob tim ntug Havtxwv Kalilais saab nubtuaj.

¹²Tug nrimteb moog rua saab qaabteb, yog lawv tug Dlej Yauladees nqeg haav moog xaus rua ntawm Havtxwv tuag. “Qhov nuav yuav yog mej lub tebchaws plaub saab nrimteb.”

¹³Yog le ntawd, Mauxes txhaj has rua cov Yixalayees has tas, “Ntawm nuav yog lub tebchaws kws mej yuav tau moog nyob hab rhu ntawv faib, yog lub tebchaws kws tug TSWV muab rua mej cuaj xeem hab ib nraab xeem nyob.

¹⁴Xeem Lunpees, xeem Khas hab ib nraab ntawm xeem Manaxes kws nyob saab nubtuaj tub tau tebchaws nyob ua puab tug hab muab faib lawv le puab tej tsev tuabneeg lawm,

¹⁵yog nyob ntawm tug ntug dlej Yauladees saab nubtuaj, ncaaj lub nroog Yelikaus saab tid.”

¹⁶Tug TSWV has rua Mauxes has tas,

¹⁷“Koj ca le kuas tug povthawj Ele-axas hab Noos tug tub Yausuas, ca le muab lub tebchaws nuav faib rua cov tuabneeg nyob.

¹⁸Muab ib xeem ib tug thawjcoj moog paab obtug.”

¹⁹Ntawm nuav yog cov tuabneeg kws tug TSWV xaiv tej npe: [Xeem] — [Tug Thawjcoj Npe] Yudas yog Yefunes — tug tub Kalej Xime-oos yog Amihus — tug tub Selumiyees Npeenyamees yog Khixeloos — tug tub Elidas Daas yog Yaunkelis — tug tub Npukis Manaxes yog Efaus — tug tub Haniyees Efalayees yog Sifetas — tug tub Kemuyees Xenpuloos yog Palenas — tug tub Elixafas Ixakhas yog Axas — tug tub Patiyees Aseles yog Selaumis — tug tub Ahihus Nathalis yog Amihus — tug tub Pedahees.

²⁹Cov tuabneeg nuav yog cov kws tug TSWV tsaa ua cov faib lub tebchaws Kana-aas rua cov Yixalayees nyob ua puab tug.