Read Hmong Njua Teev Npe 36 Bible Online

Teev Npe 36 - Hmong Njua bible

Teev Npe 36

¹Cov thawjcoj ntawm Nkile-as cuab kwvtij kws yog Makhis tug tub hab yog Yauxej tug tub Manaxes tug xeebntxwv txhaj moog cuag Mauxes hab lwm tug thawjcoj.

²Puab moog thov has tas, “Tug TSWV has rua mej lawm, nwg muab lub tebchaws nuav rhu ntawv faib rua cov Yixalayees nyob. Hab nwg has rua mej kuas muab peb tug kwvtij Xelufehas tej qubtxeeg qubteg rua nwg cov ntxhais.

³Tabsis mej yuavtsum ncu ntsoov, yog puab moog yuav quasyawg rua lwm xeem lawm, ces puab tej qubtxeeg qubteg yuav yog xeem ntawd tug, hab tej kws yog peb ndlag tug yuav tsawg heev lawm.

⁴Thaus txug Xyoo Thim kws thim tej qubtxeeg qubteg kws muab muag lawm rov qaab lug rua tug qub tswv, yuav tau muab Xelufehas tej qubtxeeg qubteg ntxiv rua xeem kws nwg cov ntxhais moog yuav ntawd, hab peb xeem yuav tsi tau tej ntawd le lawm.”

⁵Yog le ntawd, Mauxes txhaj has rua cov Yixalayees lawv le tug TSWV tej lug kws has tas, “Tej lug kws xeem Manaxes has ntawd yeej yog lawm,

⁶hab tug TSWV has tseg tas, Xelaufehas cov ntxhais muaj cai yuav tau quasyawg lawv le puab sab nyam, tabsis yuavtsum yuav cov kws yog nwg xeem xwb.

⁷Ua le ntawd kuas txhua xeem Yixalayees tej qubtxeeg qubteg txhaj yog nwg xeem ntawd tug moog le.

⁸Txhua tug quaspuj kws muaj qubtxeeg qubteg nyob huv tsaav tuabneeg Yixalayees xeem twg lawm, nwg yuavtsum yuav tug quasyawg kws yog xeem ntawd xwb. Ua le nuav txhua tug Yixalayees txhaj le yuav tau puab cov yawmkoob tej qubtxeeg qubteg ca

⁹hab tej qubtxeeg qubteg ntawd txhaj tsi poob ntawm xeem nuav moog ua xeem tod tug. Txhua xeem Yixalayees nyag yuavtsum muaj nyag teej tug.”

¹⁰Yog le ntawd, Malas, Tilexas, Haunkelas, Milekas hab Nau-es kws yog Xelufehas cov ntxhais, tau ua lawv le tug TSWV has rua Mauxes lawm, puab txhaj moog yuav puab cov nug kwvtij xwb.

¹²Puab moog yuav Yauxej cov xeebntxwv kws yog xeem Manaxes cuab kwvtij, hab puab tej qubtxeeg qubteg txhaj tseem yog puab txiv tug.

¹³Tej lug nuav yog kev tswjfwm hab kevcai kws tug TSWV saamfwm rua Mauxes kuas qha rua cov Yixalayees, thaus puab tseem nyob huv taj nraag Mau-am ntawm ntug Dlej Yauladees kws ncaaj lub nroog Yelikaus.