Read Hrangkhol IRPHUTNA 36 Bible Online

IRPHUTNA 36 - Hrangkhol bible

IRPHUTNA 36

¹Hiang hin Esaua irchihai suina chu a ni: (Esaua hi Edoma khom an ti sa)

²Esaua dôngmahai chu Kanaan rama mi an nia; Hit mi Elona nâinu Adaii le Hiv mi Zibeona tunu, Ana nâinu Oholibami-hai hi an ni;

³Ismaela nâinu, Nebaiota nâinu Basemathi khom a ni sa.

⁴Khan Adaii khan Esaua chu Elifaza a pea; Basemathi’n Reuela a neia;

⁵Oholibami’n Jeusa le Jalama le Kora a neihaia; hihai hi Esaua nâihai Kanaan rama a ineihai an ni.

⁶Khan Esaua chu a dôngmahai le a nâihai le a nâinuhai, a ina mi om murdi, a sa, neinunhai le a sum nei murdi chu Kanaan rama a inei murdi chôiin a sangpa Jakoba chu ram danga a rotsana.

⁷A sate’n irchon an nei tâk sikin, hmun khatin omsuam thei ta mahai; a sa, lêngna hmun a om ta no sikin.

⁸Khanchu Esaua chu Seir tânga khan a om tâka:

⁹khan, hiang hin Seir tânga Edom-hai irchi Esaua nâi le tehai chu an ni:

¹⁰Esaua nâihai irhming chu Elifaza Esaua dôngma Adaii nâipa le Reuela, Esaua dôngma Basemathi nâi hi

¹¹Elifaza nâihai chu Temana, Omara, Zefoa, Gatama le Kenaza hai an ni.

¹²Khan Timnai chu Esaua nâipa Elifaza ithisan meithâi a ni: ama hin Elifaza chu Ameleka a neipuia: hihai hi Esaua dôngma Adaii irchihai chu an ni.

¹³Khan Reuela nâihai chu; Nahata, Zera, Sama le Miza hai an ni: hihai hi Esaua dôngma Basemathi irchihai chu an ni.

¹⁴Zibeona tunu Ana nâinu Esaua dôngma Oholibami nâihai chu Jeusa, Jalama le Kora a neipui a ni.

¹⁵Esaua nâihai laia irchi nitna changhai chu; a nâilutîr Elifaza nâihai hi an ni; Temana hai, Omara hai, Zefoa hai, Kenaza hai;

¹⁶Kora hai, Gatama hai, Amalek hai hi an ni: hihai hi Edom rama Elifaza ata irzirsuak irchihai an ni; Adaii irchihai chu an ni.

¹⁷Khan, Esaua nâipa Reuela irchihai chu; Nahata, Zera, Sama, Miza hai hi Edom rama Reuela ata irzir irchihai chu an ni; Esaua dôngma Basemathi irchihai chu an ni.

¹⁸Esaua dôngma Oholibami irchihai chu; Jeusa, Jalam, Kora hai hi an ni: hi irchihai hi Ana nâinu Esaua dôngma Oholibami irchihai an ni.

¹⁹Hihai hi Esaua nâi irchi changhai an ni. Esaua ata suakhai chu an ni.

²⁰Hihai hi Seira Hor mi, kha rama om nâihai chu an ni; Lotana, Sobala, Zibeona, Ana,

²¹Disona, Ezera le Disana hai an ni; hihai hi Edom rama suak Hor mihai laia Seira irchihai chu an ni.

²²Khan Lotana nâihai chu Hora le Hemama an ni; Lotana farnu chu Timnai a ni.

²³Khan, hihai hi Sobala nâihai an ni; Alvana, Manahata, Ebala, Zefoa le Onama hai hi an ni.

²⁴Zibeona nâihai chu; Aia le Ana hai hi an ni: hi Ana hi a ni, a pa Zibeona sakuartunghai a enkol laia ramchârna hmuna tuilum khur hmupu kha a ni.

²⁵Hihai hi Ana nâihai chu an ni; Disona le Ana nâinu Oholibami hi an ni.

²⁶Hihai hi Disona nâihai chu an ni; Hemdana, Esbana, Ithrana, Kherana hi an ni.

²⁷Hihai hi Ezera nâihai chu an ni; Bilhana, Zavana le Akana hai an ni.

²⁸Hihai hi Disana nâihai chu Uza le Arana an ni.

²⁹Hihai hi Hor mihai ata suak irchihai an ni: Lotana, Sobala, Zibeona, Ana,

³⁰Disona, Ezera le Disana hai hi Seir rama Hor mihai ata suakhai chu an ni.

³¹Hihai hi Israelhaiin rêng an nei mâna, Edom rama roirêltu rênghai chu an ni.

³²Beora nâipa Bela khan Edom rama roi a rêla; a omna khopui irhming chu Dinhaba a ni.

³³Khan Bela a thi zoiin chu, Bozra khuaa mi Zera nâipa Jobaba khan a hmun luain roi a rêla.

³⁴Khan Jobaba chu a thia, Teman-hai rama mi Husama’n a hmun luain roi a rêla.

³⁵Khan Husama a thi’n chu Bedada nâipa Hadada, Moab phâia Midian-hai thattu khan a hmun luain roi a rêla. A omna khua irhming chu Avit a ni.

³⁶Khan Hadada a thi’n chu, Masreka mi Samla khan thûlin roi a rêla,

³⁷khan Samla a thi’n chu Tuipui kôla Rehobot khuaa mi Saula khan ama irthûlin roi a rêla.

³⁸Khan Saula a thi’n chu Akbora nâipa Baal-hanana khan thûlin roi a rêla.

³⁹Khan Akbora nâipa Baal-hanana a thi’n chu Hadara irthûlin roi a rêl nôka. A omna khopui irhming chu Pau khua a ni, a dôngma irhming chu Mehetabeli a nia, Mezahaba nâi Matredi nâinu a ni.

⁴⁰Khan, hiang hin an in sûngkua le an omhmun le, an irhming anga Esaua irchihai irhming chu a ni; hruaitu Timna, hruaitu Alva, le Jetheta:

⁴¹hruaitu Oholibami, hruaitu Ela, hruaitu Pinon,

⁴²Kenaza, Temana le Mibzar,

⁴³Magdiel, Iram hai hi an ram Edoma omna ang taka irchihai; Esaua Edom-hai irchi chu a ni.