Read Hrangkhol 2 SAMUELA 9 Bible Online

2 SAMUELA 9 - Hrangkhol bible

2 SAMUELA 9

¹Sûn khat chu Davida khan, “Jonathana sika lungkhamna kin langtir theina hrangin Saula insûng mihai laia mi mo la om nihai o?,” a tia.

²Khante, Saula in sûngkuahai zui inkhat ar hming Ziba a oma, Davida kuanga fe hrangin a koia, rêng khan a kuang, “Ziba mo ni ni?,” a tia. Ama khan, “O ki ni, ka pu nang a zui hi,” a tia.

³Reng khan, “Pathian lungkhamna kin langtir theina hrangin Saula insûng mihai laia mi a la dam mo an om?,” a tia. Ziba khan rêng kuang, “Jonathana nâipasalhai laia inkhat a la om, ama chu ke’nbâi a ni,” a tia.

⁴Reng khan a kuang, “Kho tiang mo a iom?,” a tia. Ziba khan rêng kuang, “Lo-debar khuaa Amiela nâipa Makira ina a om,” a tia.

⁵Khanchu rêng Davida khan mi a tîra, Lo-debar ata Amiela nâipa Makira in ata kha a va hruaia.

⁶Saula nâipa Jonathana nâipa Mefiboseta kha Davida kuang khan a hongin chu, a hmâi irnêng sikin Davida kha chubai a mûka. Davida khan “Mefiboseta,” a tia. Ama khan, “En ro, nang a zuitu hi,” a tia.

⁷Davida khan a kuang, “Chi no ro, ni pa Jonathana sikin lung nang inkham ngêt ki ti, ni pu Saula ram murdi nang pe nôk ki ta, ki dokânga khalâi ot sa mai ta ni ta,” a tia.

⁸Mefiboseta khan chubai a mûka, a kuang, “Keima ui thi sai ang maia nang a zuitu chunga hin hiang dôra ni satna ni insua hi?,” a tia.

⁹Khanchu rêng khan Saula zuitu Ziba kha a koia, a kuang, “Saula thil murdihai le a in sûngkuahai thilhai kha ni pu tupa hi ki ipêk ving a ni.

¹⁰Nangma le ni nâipasalhai le nang a zuituhai ta hrangin ram kha chîmu song pehai nin ta; ni pu nâipa khan fâk hrang a nei theina hrangin ni chîmu invânghai kha ni hong ichôi pe ngai hrang a ni. Mefiboseta hi chu ki dokânga khalâi a iot mai hrang a ni,” a tia. (Ziba khan nâipasal sôm hleiringa le a zuitu sômhni a ineihai a ni.)

¹¹Ziba khan rêng kuang, “Rêng ka pu’n thu ni ni ipêk lam ang takin tho ki ti,” a tia. Khanchu Mefiboseta khan rêng nâi inkhat anga rêng dokânga khan khalâi a ot mai tâka.

¹²Mefiboseta khan nâipa, la nâipangtê a neia, ar hming chu Mika a ni. Ziba ina om murdi kha Mefiboseta zui an hong ni tâka.

¹³Khanchu Mefiboseta a ke inhnia inbâi kha Jerusalema a oma, rêng dokânga khalâi a iot mai tâk a ni.