Read Hrangkhol 2 THURCHI SUINA 2 Bible Online

2 THURCHI SUINA 2 - Hrangkhol bible

2 THURCHI SUINA 2

¹Khan Solomona’n RENGPA ta hrangin tempil sin a tuma, ama rêng in hrang leh khan,

²Solomona’n thil pêl hrang mi sîngsari le lungtuk mi sîngriat a hmanghaia, sinthotuhai enkol hrangin mi sângthum irzaruk an thanghaia.

³Solomona’n Tura rêng Hirama kuang palai a tîra, “Ka pa Davida ta hrangin sidar thing ni lei ipêk ngai ang khan kei khom ni pe theiin lân.

⁴Ki Pathian chôiindômna hrang tempil sin ki tuma, kei le ki mihai ta hrangin hmun irthiang ni a ta, kha khan mirimhoihai hâlin kin Pathian chu kin ibiak thei hrang a ni; bai irthianghai se ngai kin ta, zîng le khohloia, sabat nîhai le tha thar kûta le kût da danga hâlirvôm thilinhlanhai, RENGPA kin Pathian kuanga kin inhlanna hrang ki isin hrang a ni. Khaanga ama chôiindômna hrangin Israelhai chu kin Pathian hin thu a ipêk a ni.

⁵Tempil roiinpui tak sin ki tuma, kin Pathian chu a roiinpui tak a ni sikin.

⁶A diktakin Pathian ta hrangin tûte’n sin thei no nihai, irvâna khom khin inleng no nia, Pathian ta hrangin mirimhoi hâlna hmun ti loiin chu keima hin a in hrang sin thei le mo ki’rhoi.

⁷Khasikin Judai ram le Jerusalema mi kut theithiamhai, ka pa Davida’n a lei ihmang ngaihai, atûna ki kôla omhai laia sintho hranga hin mi inkhat, rângachak hai, tangkarua hai, dâr hai, thîrsuk theihai, puan senduk le a seninlâr le a dumpôla siam thei a zia i anga khom a sin theihai ni hong tîr pein lân.

⁸Lebanon-ah mi sidar thinghai, meisâr thinghai, algum thinghai ni hong thonin lân; ni mihaiin Lebanonah thing phûr an thei sabak ti kin hriata; khasikin irngai ro, thing tamtak ni sinsiam pe hrangin ki mihai chu ni mihai kuang hong ri sehai; ki in sin hrang hi in roiinpui tak a nia.

¹⁰Khan, irngai ro, ni mi thing âttuhai ta hrangin bai tîn sînghni le barli sînghni le uain her sînghni le oliv hriak sînghni pe ki ti, tiin mi a tîra.

¹¹Khanchu, Tura rêng Hurama’n, “RENGPA’N a mihai lung a thung sikin an rêngin a isiam a ni hi,” ti’n Solomona chu lekha a thona.

¹²Hurama’n, “RENGPA Israelhai Pathian irnêng le irvân siamtu, RENGPA in le rêng in sin hranga vârna inhriatna nei nâipasal vâr tak rêng Davida pêktu chu inpâkin om ri se.

¹³Mi kut theithiam, vârna le inhriatna nei, Dana irchia mi nupang inkhat nâi, ar hming Hurama ki hong tîra, a pa chu Tura khuaa mi, rângachak hai, tangkarua hai, dâr hai, thîr hai, lung hai, thing hai, puansenduk hai, a duminpôl hai, puan ze chi tin seninlâr hai sin thei, ze chi tin thothei mi a nia; ni mi kut theithiam hai ka pu ni pa Davida kut theithiamhai kuang khan hong sin sa ta a ti.

¹⁵Khanchu, bu hai, barli hai, hriak hai, uain hai ki rêngpa’n a iti chu a siahlohai kuang hong thonin lân.

¹⁶Khanchu keini’n Lebanon-ah thing chu ni inuam dôr tuk thei ni ta, tuikhangliana Jopa dênin nang zuang tôlpui kin ta, khanchu nangin Jerusalem intungtir ni ti,” a tia.

¹⁷Khan, Solomona’n Israel rama a pa Davida’n a lei itep sai nam dang murdihai chu a tephai nôka, nuaikhat sîngringa sângthum le irzaruk an nia.

¹⁸Khan, thil pêl thei mi sîngsari an nia, tânga thing tukhai mi sîngriat le mipuihai enkoltu mi sângthum irzaruka inkunghai an ni.