Read Hrangkhol 2 THURCHI SUINA 9 Bible Online

2 THURCHI SUINA 9 - Hrangkhol bible

2 THURCHI SUINA 9

¹Seba rêngnu’n Solomona irhming inthangzia an hriatin chu thu intakhai irdona hrilfia pe hrangin Jerusalema a fea. Hnungzui tamtak a neia, mosola pêl hrangin saringsei tamtak a hruaia, mosola hai, lungmantam hai, rângachak hai a chôi intam oka. Solomona leh an irhmuin chu irdon a inuam dôr chu ar don vinga.

²A irdon murdi chu Solomona’n a sâm pe vinga, intak a iti zel om pe maka.

³Seba rêngnu’n Solomona vârzia chu an hriata, a in sin roiinpuiziahai khom a hmua.

⁴Solomona fâk hrang an hong idôn hai, a siahlo omna inhai, rêng ina sinthotu sin irsem dân hai, an silkai enhoizia hai le a hrungtuhai irvo dân sahai, tempila hâlirvôm thilinhlan a inhlan intam dânhai, a hong hmuin chu, ar khêl a ti oka, a char a dong pe tâka.

⁵Rengnu khan, “Ni sinthohai le ni vârziahai kin rama ki inhriathai kha a idik chu a ni hi te,

⁶ki honga, ki hong hmu mân khan chu, an ihrilhai kha taksôn ma unga; khannisian ni vârziahai hi a chimrip khom an insîr ni ma, an ihril nêkin a roiinpui ok a ni.

⁷Ni dôngmahai chu an vân a sa! ni siahlo a ni tina ni kôla oma, ni vârzia irngaituhai khom hi an vân a sa vang na!

⁸Ni Pathian RENGPA chu inpâkin om ri se, ama chu ni chunga a lôma, ama irthûla roirêltu, rêngin nang a inthang a ni. Ni Pathianin Israelhai hi lung a thunga, an rêng indiktaka an chunga roirêltuin nang a siaa,” a tia.

⁹Thilpêk hranga a hong ichôi kha a pêka, rângachak her sângminli nêka tam, mosola tamtak le lunghlu tamtak Solomona kha a pêka.

¹⁰Reng Hirama hai le Solomona haiin Ofir rângachak an hong chôia, algum thing le lunghluhai khom an hong chôia.

¹¹Algum thing le tempil tentan sûng le ama in luina leidâk a sina, thing chu perkhuang leh irhâihoi sinna’n a hmanga, Judai rama hianga thing hi la hmu ngai mahaia.

¹²Reng Solomona’n Seba rêngnu izong dôr a pêka, khakhêla thilpêk an hong ichôi pe nêka tam a pêka, an rama a zuituhai leh an kîr nôk tâka.

¹³Solomona chu a kum tin rângachak sînghni le sângthum a man ngaia.

¹⁴Suminpâr mihai le dukan thohaiin khâzana an ipêk bâka Arabia rênghai le Israelhai bial tina ram optuhaiin rângachak le tangka Solomona kha an pêk ngaia.

¹⁵Pho lianpahai rângachak kop phêk irzahnia leh a sina, pho inkhata rângachak her sari vêl a hmang a ni.

¹⁶Pho chîn ual rângachak phêk her thum rik leh a tuama, Lebanon rampuia in an iti tentana khan an siaa.

¹⁷Rengin sâiha leh rêngtoihmun roiinpui tak a sina, rângachak fel takin a tuama,

¹⁸rêngtoihmuna luina hrang rângachak leidâk kalbi kiruk a sirnahai leh a sina. Toihmun thar chopui a neia, a chopui sîra khan kâmkeibaknei irlim an ngîrtira.

¹⁹Kâmkeibaknei irlim sômhleihni leidâk sîr tiang khan an boktirhaia, khaang dôra roiinpui kha tûte rama la om ngai ma.

²⁰Solomona khilât chu rângachak inzen a nia. Lebanon rampuia in an iti tentana khan an nêk fâkna bêl le bûrhai khom rângachaka sin a ni. Solomona zoro lai khan chu tangkarua hi chu ite bê’n bê mahai.

²¹Irkuang khom a nei intam oka, a rêng Hurama irkuanghai leh an irhlopa, Tarsis haia fein kum thum dana an hong nôka, rângachak hai, sumru hai, sâiha hai, zông hai, vahro hai an hong chôi pe ngaia.

²²Reng Solomona chu rammuala rêng danghai nêkin ar chonga, vâr khom a vâr tak a nia.

²³Solomona kuanga Pathianin vârna a ipêk chu inhriat nuamin an hong pan sup sup ngaia;

²⁴sumru le rângachaka thilsiamhai, puanhai, râltukfam hai, mosola hai, sakor hai, sakor puakpêl zâthai an hong pêk zut zuta, a kum tin hiang hin an tho ngaia.

²⁵Reng Solomona’n sakor vâina hmun sângminli a neia, khatak khan a sakor tâli le sakorhai a siahaia, irdoina sakor khom sîngkhat le sânghni a neia, senkhat chu Jerusalema an oma, a danghai chu kho dang danga a siahaia.

²⁶Eufrates vadung le Filistia ramria, Aigupta tui dênin kha ram sûnga khan an lal tâk a nia,

²⁷Solomona inlal laiin Jerusalem khuaa khan tangkaruahai chu lungtehai ang ma mai an nia, sidar thing lak tâng sîphai, thang tianga phâia theipui thinghai angin tamtak a nia.

²⁸Solomona’n Aigupta ram le hmun dang dang ata sakor leh a’rthaka.

²⁹A phut ata a mong dênin Solomona thurchi hi deipu Nathana lekhabua hai, Silo mi Ahija thuhril irziakna bu hai, Nebata nâipa Israel rêng Jeroboama chungchânga deipu Idoa inlârna irziakna bua a chuang.

³⁰Solomona chu Jerusalema Israel mi murdihai chunga kum sômminli an lala.

³¹Khan, Solomona chu a thia, Davida khopuia an phûma, a nâipa Rehoboama chu ama irthûlin an lal tâka.