Read Hrangkhol NEHEMIA 6 Bible Online

NEHEMIA 6 - Hrangkhol bible

NEHEMIA 6

¹Khan hiang hin a nia, Sanbalata le Tobia le Arab mi Gesema leh kin râl danghaiin kulhai ki siama, a chetna om ta mah ti an inhriatin chu, aniachu kha laia khan mikot inkhârhai chu la siam ma ung.

²Sanbalata le Gesema’n, “Hongin lân, Ono phâia khua inkhata irhmûna nei ei ti,” tiin thu an ni hong thona. Khannisian ki chunga thil saloi tho an itum chian a lei nia.

³Khan keima’n anni kuang, “Sin roiinpuitak ki thoa, khasikin hong thei no ning; nangni kuanga ki hong kârin ki sin a’rngam hrang sikin,” tiin mi ki tîra.

⁴Khaang ngêt khan voiminli an ni hong tia; kei khom khaang ngêt khan ki sâmhai hena.

⁵Khanchu Sanbalata’n khaang ngêt khan a voiringanaa khan a siahlo lekhathon hon chôiin a hong tîra;

⁶khataka khan, “Nang le Judahaiin tehelzong hrang nin lunginchong a nia, khasikin kêng hi kul hi ni isiam ti thu nam danghai laia an thanga, Gesema khomin a ti saa; an ihril dânin chu nangma hi an rêng hrang ni nuam an tia.

⁷Judai rama chu rêng a om tia Jerusalema inpuang hrangin deipu khom nin thang tâka, hi thu hi hril lat an ta; khasikin hongin lân, chongkhôm hi rei,” ti a chuanga.

⁸Khanchu a kuang, “Ni iti ang hin ite tho ni maka, ni iphuakhôm a ni,” tiin a kuang mi ki tîra.

⁹“An sintho chu hlo an chuk loina hrangin an kuthai a’rzalin a om ta,” tia mihai ihril a nia. Khasikin o Pathian, ki kuthai hi nin hrâttir pe roh.

¹⁰Kha irzoiin chu Mehetabela nâi Delaia nâipa Semaia, suak vak theiloi ina ki fea; ama’n, “Pathian ina, biak in sûng ngêta irhmu inlân, biak in inkhârhai khâr pumin; nangma that hrang tumin an ihong hrang a ni; zâna hong that nang an itum a ni,” a lei tia.

¹¹Keima’n, “Keima anga mi hi ki lei intân hrang mo ni ni sôn? Mâni hringna inzôk hrangin tu mo biak in sûnga lût hrang? lût viat no ning,” ki tia.

¹²Khanchu ki hon hriat suaka, Pathian itîr lei ni viat maka, keima ni lei doina hrangin kha thuhai kha a lei ihril a nia, Tobia le Sanbalata lei inphût a nia.

¹³Ki chia, a iti anga nuamin thil kin châia, ki’rhming siatna hrang an hmua, an nin sîrinsiat theina hrangin an lei ihmang a nia.

¹⁴O ki Pathian, Tobia le Sanbalata sintho ang hin inhre pehai maiin lân, deipunu Goadii le deipu dang mi insî tum murdihai leh hin.

¹⁵Khanchu kul kha sûn sômringa sûn hnina, Elul tha sûn sômhni le ringa ni sûn tena chu irzoi a ni tâka.

¹⁶Hiang hin a hong nia, kin râlhai murdi’n kha thu kha an len hriatin chu, kin kôla nam danghaiin an lei chia, dormusiat okin an irhriata, sin chu kin Pathian itho a nih ti an inhriata.

¹⁷Khan khomin, kha laia khan Juda mi felhaiin Tobia chu lekha tamtak an lei thona, Tobia lekha khom an lei man tâka.

¹⁸Ama chu Ara nâipa Sekania mâkpa a ni sikin Judai rama mi tamtak khomâksâma a lei irrualpui an oma; a nâipa Jehohanana Berekia nâipa Mesulama nâinu dôngma’n a neia.

¹⁹Keima inhriata a sintho insa an hrila, ki thuhrilhai khom an insîr pe ngai. Khanchu Tobia’n a ni insî hrangin lekha a hong ithon ngai a ni.