Read Hrangkhol FESUAKNA 22 Bible Online

FESUAKNA 22 - Hrangkhol bible

FESUAKNA 22

¹“Mi’n sehrâtchal mani, kêlbelra mani inrûka that a ni no le, zuar sian, sehrâtchal inkhat irthûlin a bâk ringa tuam a ta, kêlbelra inkhat irthûlin minli a ipêk ngêt hrang a ni.

²A thil inrûk kha a ituam nôk ngêt hrang a nia, a tuamna hrang a nei no’n chu, a thil inrûk tuamna hrangin ama kha suaka a irzuar hrang a ni. A sa inrûk sehrâtpui mo, sakuartung mo, kêlbelra mo a thil nei laia a damin a la omin chu, inkhat irthûlin inhni a ipêk hrang a ni. Zâna inru in sûnga lût an chela, an thatin chu a thattu kha mi that ti thei ni no ni, khan sûn khovâra that a ni’n chu mi that ti thei ni a ti.

⁵Mi’n a sahai an suaka, loia mo grep bila mo a lênga mi dang loia chîmu a va fâkin chu, a ifâk insiat dôr kha a chongpu khan loia bu mo, a grep bila grep ra leh a ituam ngêt hrang a ni.

⁶“Mi’n loia mei sêm sianlân, mei irzôtin mi dang loia bukung danghai mani, bu ât zoia a butâng va kâng pe duai sianlân, mei insuatu khan a kâng insiat dôr kha a ituam ngêt hrang a ni.

⁷“Mi’n mi dang sum mo, a thil hlu dang nei hrê pe hrangin a’rphala, a kôlvêla khan irhmang sianlân, an rûktu kha an chelsuakin chu a bâk inhniin tuam a ti.

⁸An rûktu kha an chel thei no’n chu thil hluhai hrêtu chu roirêltu makunga hong hruai ni a ta, mi dang neinun kha inru viat mah ti infelna hrangin khomâk a irsâm hrang a ni.

⁹“Thil irchua buaina a omin chu, sehrât, sakuartung, kêlbelra sil le kai, thil dang irnêng hnuaia mo, mi inhni a chongpu ni irtihai kha roirêltu makunga hruaiin om an ta, roirêltu’n thei loi a inchangpu khan a dikpu kha bâk hniin a ituam hrang a ni.

¹⁰“Mi’n mi dang sakuartung, sehrât, kêlbelra, sa danghai enkol pe hrangin a’rphala, a lei hruaia, popliam, irok le a hruaihai pata, an hriattu om no sianlân,

¹¹mi dang sa kha an rûk ti inlangna hrangin khomâk irsâm hrangin Pathian Biak ina a ife ngêt hrang a ni. Khan, sa kha a inrûk a ni no’n chu, a chongpu khan a inchân irti a ta, tuam ual ta no ni.

¹²A inrûk a ni’n chu, a chongpu kha a ituam ngêt hrang a ni.

¹³Ramsa isê that a ni’n chu an hriat theina hrangin sa ifâk ban kha in sûnga a hong ichôi hrang a ni; ramsahai sa that kha a man tuam nang no ni.

¹⁴“Mi’n mi dang laia irthokin sa hmangin a chongpu la hmu loiin a pop no le a thi ti sianlân, a lei hmangtu khom a ituam ngêt hrang a ni.

¹⁵A chongpu mit hmua a ni’n chu tuam nang no ni. Man neia a ihmang a ni’n chu, a ihmangna man khan a ihuam sa hrang a ni.

¹⁶“Mi’n dôngmate irthiang châipui sianlân, dôngma man pangai pe a ta, dôngma’n a inei hrang a ni.

¹⁷A pa khan an luatir nuam no’n chu, dôngmate irthiang moi chang thei dôr kha a pa kuang khan a ipêk ngêt hrang a ni.

¹⁸Nupang dôithiam hmang kha nin ithat hrang a ni.

¹⁹Sa irpôlpui chu that hrang a ni.

²⁰RENGPA kuang ni loia, pathian dang kuanga irbôlna hmangtu chu that irhmangpai hrang a ni.

²¹Nin laia nam dang omhai soisakin nin isir phûmhai hrang ni ma; nangni khom Aigupta rama mikhualin nin iom kha inhre mai roi.

²²Meithâi mo, nâifara moh hnuaisiahai no roi.

²³Nin soisakhaiin chu, keima RENGPA hin nangni changpui hrangin an ni koi tika sâm ki ti.

²⁴Nin ninginmur a ta, khandai leh nangni that ki ti. Nin dôngmahai meithâi chang an ta, nin nâihai fara’n om an ti.

²⁵“Ki mihai an inriang sika sum nin tângtirhaiin chu, sum ni intângtirtu danghai angin tho no ro, a pung ni isînghai hrang ni mah.

²⁶Ni tualbômhai puan man pe loiin ni khapin chu, misa tâk mân ngêt ni ipêkhai hrang a ni.

²⁷A taksa tuam inlumna hranga a ineisun a ni sikin, nin khîr nôk no’n chu changpui hrangin a ni koi tika chu lungkhamna sip ki ni sikin, ki la isâm ngêt hrang a ni.

²⁸“Pathian chungchâng chu saloiin hril no’n lân, ni mihai hruaitu chu khuasâl no roh.

²⁹Ni chîmu ni hrê zoi tika, Oliv hriak ni sôm zoi tena chu, bu uain le oliv hriak ni inhlan hrang dôr chu ni pe zêl roh. Ni nâilutîr pasal ni ni ipêk hrang a ni.

³⁰Ni sehrât le kêlbelra inte maton takhai khom, ni ni ipêk hrang a ni, a puinu irhnu sûn sari ne thei a ta, sûn riat a ni’n chu ni ni hong ipêk hrang a ni.

³¹Ki mihai nin nia, nin irthiang hrang a ni; khasikin ramsahai isê, hmê ite nin ifâk hrang ni ma, uihai nin ipêkhai hrang a ni.