Read Hrangkhol FESUAKNA 27 Bible Online

FESUAKNA 27 - Hrangkhol bible

FESUAKNA 27

¹Maichâm irki minli nei, mûk ringaa sei, sitim thing leh siamin lân, mûk thuma irsâng a ini hrang a ni.

²A’rki minlina hmun tina a’rki inseiin siamin lân, maichâm leh khan a tuana siam ni ri se, a pumpuiin dâr sen leh tuam ving hrang a ni.

³Pil bêlhai, irvut luakna hai, khuri le thîr kut nei le mei luakna hai dâr sen leh siam roh.

⁴Intuan phitin siamin lân, a sîr tiang khan dâr sen leh irzônna hmun irki minli inkhop roh.

⁵Dâr intuan chu maichâm hmor hnuaia inkhopin lân, maichâm inlaina tena huap theina hrangin;

⁶zônfunghai sitim thingin siamin lân dâr sen leh tuam roh.

⁷Maichâm sîra irki neihaia khan a’rzôn zoro rikipa rolin lân.

⁸Thingphêk leh maichâm chu inver ir-ôngin lân, tâng chunga a dûr nang ki irhmu lam tak khan ni isiam hrang a ni.

⁹“Ki omna puan in dâi hrangin patzâi irhmi thûr sai puan không ni ihmang hrang a ni. Sim tiang mûk irzakhata sei ni izarh hrang a ni.

¹⁰Dâr sen chopui sômhni le a toina dâr eng sômhni a iom sa hrang a ni, a chopuia khan puanzâr inkhâina hrang thil kôi le a zârna hrang thil intûn sumrua siam, ni isia hrang a ni.

¹¹Puan in hmâr tiang khom khan puan mûk irzakhata sei ni izâr sa hrang a ni, chopui sômhni le an toitirna dâr sen tum sômhni, inkhâina hrang thil kôi le a zârna hrang thil intûn, sumrua siam a iom sa hrang a ni.

¹²Nitâk tiang khom mûk sômringaa sei puan zâr hrang a nia, chopui sômkhat le a toina sômkhat om a ta,

¹³Nisua tianga mikot omna khom a dâi chu mûk sômringa lian a inang hrang a ni.

¹⁴Mikot sîr tiang sûnga bang chu mûk sôm hleiringa sei ni a ti, chopui inthum le a toina inthum nei sa a ti.

¹⁶A lûtna mikota zâr hrang patzâi irhmi thûr sai, samul dum, a senduk le a seninpôl irzêl enhoi tak puan khônga mûk sômhnia sei a iom hrang a ni. A zârna hrangin chopui minli an toitirna neiin a iom sa hrang a ni.

¹⁷Dâi chopui murdi chu sumrua inluana irkoptir hrang a ni, an kuaikimhai chu sumrua siam le an toinahai chu dârsena siam a ini hrang a ni.

¹⁸Dâi chu mûk irzakhata seiin, a khang mûk sômringa, a’rsâng lam mûk ringa ni a ta, a puan zâr chu patzâi irhmi thûr saia không, an toitirna chu dârsena siam a ini hrang a ni.

¹⁹Puan in sûnga hmangrua murdi, puan in khârna hêmvuak le a dâi hmang hrang chu dârsena siam hrang a ni.

²⁰“Meisera inchok hrang oliv hriak irthît infâi hong chôi hrangin Israel mihai chu hril ro, a khohloi tina inchok mai theina hrangin.

²¹Arona le a nâihaiin puan ina Thuthung Bôm omna puanzâr pên tiang khan meiser chu sehai sian, khohloia irthokin zîng dênin RENGPA makunga khan chok mai ri se. Hi thupêk hi Israel mihai le an irchi suanpâr dên khomin tho dân balam det taka nei hrang a ni.