Read Hrangkhol JOBA 26 Bible Online

JOBA 26 - Hrangkhol bible

JOBA 26

¹Khanchu Joba’n hiang hin a sâma:

²Hrâtna nei loi mi ni isan dân hi chu! Bân irnak boihai ni isan dân chu!

³Vârna nei loi ni irchutir dân hi chu! Thu inthûk tak ni hril pehaia!

⁴Tu kuang mo, ni hril suaka, Tu irtha mo ni kuang ata zuang suak hi?

⁵Mithi irthahai chu irnêng hnuaia inthingin, tui le a sûnga omhai leh khan.

⁶Tiana khan chu Seol chu korong a nia, Abadona siatna hmun chu a’rhli theitu om mah.

⁷Hmun ôla khan hmâr thing an pârtira, Inzâng dapin irnêng chu an doma.

⁸Sûm irsa takin rotui a bukkhôma, A hnuaia sûm khom ite insiat thei maka.

⁹A rêngtoihmun chu sûmin ar khu pea, A kôlvêl chu inthimin a tuama.

¹⁰Tui ramri a siama, Inthim le vâr theithâknahai leh;

¹¹Irvân doina chopui an hnîngtira, A irchutirna chu ar khêl an tia.

¹²A’rnakhrâtna sikin tuikhanglian kha an hnêa, Thiam takin sâ ichiom Rahab kha a that tâka.

¹³A phûkin irvân a’rthiangtira, A kut le rûlpui intân a thata.

¹⁴Irngai ro, ama hi a sintho irnghil thei loi chu a ni, A thurchi ei inhriat hi! A sinthotheina irhâi chu tu mo inhre zoi thei hrang?