Read Hrangkhol JOBA 38 Bible Online

JOBA 38 - Hrangkhol bible

JOBA 38

¹Khanchu RENGPA’N phâivopui lai ata Joba kha hiang hin a ti pea;

²Inhriatna inmôl le thupui boi chonghaiin, ki vârna sêltu hi tu mo ni ini?

³Pasal hâitak angin ngîr indetin lân, thu nang ki irdon hi ni sâm roh.

⁴Irnênga ki sin lai khan khôn mo ni iom? Nin hriatin chu hong ti roh.

⁵A lian hrang dân tu irfûktir mo a ini? a chung inzôl dân hi tu mo an hlam thei.

⁶I chunga irnghat mo a ini, Tu mo a kila lung phûmtu a ini?

⁷Irvâna ârsihai hla an saka, Pathian nâihai an khêk lai khan.

⁸Tuipui khom a omna ata a hong lian zoro khan tu’n mo a lei danh thei?

⁹A silkai hrangin sûm ki siama, Sûm irsa leh ki tuama.

¹⁰A dîl theina hrangin rî kin dang pea, a danna hrang le a khâr theina hranghai leh,

¹¹“Hi ten vai hi hongin lân, khêl no roh, Hi ten hin tui irsôn hong irsokna khom irngam ri se,” ki tia.

¹²Irnêng irkhûna irkiangtirin, Mi pualoihai inhnotsuak hrangin.

¹³Irnêng chunga khua invârin, ar bîkna rengata ni sualhai ni hril thei ngai mo?

¹⁴Sûn khovâra chu tâng le mual omhai an lang infel theia, Puanchial anga chialin an lang ngai.

¹⁵Mi sualhai hrangin chu khovâr hi a vâr pehai hraia, Ite tho ngam mahai.

¹⁶Tuipui suakna hnâr mo ni hro ta ngai? Lizôl dênin ni lût ta ngai mo?

¹⁷Thina mikothai kha ni kuang inlangtir mani ta? Thina dâihlîm mikot kha ni hmu ta mo?

¹⁸Irnêng irzatziahai hi nin hriat phâk mo? Nin hriatin chu insîr roh.

¹⁹An ramrî nin hriat theina hrang le, An in lampui nin hriat theina hrangin.

²⁰A vâr omna lampui chu khôn mo? A zîng omna ngân hi teh khôn mo a ini?

²¹Inhria ni ti dua, nang chu ni lei suak daih tâk sikin, Ni nikhuahai khom a tam tâka!

²²Ivur siana hmuna ni lûtin, Irial siana hmuna khom ni lût ta mo?

²³Buaina zoro hrang le irdoi le irbei nikhua hranga ni ihôi kha a ni.

²⁴I ang lampuiin mo vâr hi ar chêk indara, Nisua tianga phâivua khom hi irnêng chunga a irsen indara?

²⁵Tu mo tuilihôk luangna hmun siama, michêk fena lam siamtu hi tu mo a ini?

²⁶Mihriam om theiloina ram le ramchâr, Mi om loina hmuna tu mo rua inthotir thei?

²⁷Ramchâr le pil sûng inhnîngtira, sûlhring inmôngtir thei hi tu mo a ini?

²⁸Rua hin pa mo a nei? Irdo hi tu isiam ngân mo a ini?

²⁹Tu sul ata moh ivur a hong isuak? Irvân ata vur zuang tâk hi tu itho ma ni?

³⁰Tui irsokhai khom lung angin an ngara, Tui inthûktak sûnghai khom hi an ngartir zoi ta.

³¹Sîruk hi khit khak theia, Sîkhovâr khi inkhoitir theiin moh?

³²Ârsihai khi a zoro taka mo insuaktir theiin, Zânkhuain a bômhai khi hrung theiin mo?

³³Chung tianga irvân om lamhai khi nin hriat thei mo? Irnênga hmang hrang dânhai hi ni bôk thei mo?

³⁴Rotui nang inphâ irzôtir hrangin, khêkin sûmhai khi itin mo pe theiin?

³⁵Kôl irtêk khom ni kôla hong hrangin thu pe ngânin lân, “Hitak hin kin om,” nang an iti pe thei hrang mo nang ti pe nihai?

³⁶Tui vaârngoiin itin mo tuilian hrang a inhriat thei? Ârkhong khomin khuantîr itin mo an hriat?

³⁷Tu mo sûm bukkhôm theia, tep thei hranga vârna nei?

³⁸Nêngpilhai irhlûmin, irnênga ar mantir nôk tâka.

³⁹Kâmkeibakneihai bu zongin, A têhai khop hrang dôr bu mo ni pêkhai thei?

⁴⁰An khura an kuala, sê hrang an zong laiin,

⁴¹vaâk bu zonga an vuang laiin, An têhai bu fâk hrang zonga Pathian kôla inhrâmhai hi bu moh ni pêkhai thei?