Read Hrangkhol INPÂKNA HLAHAI 101 Bible Online

INPÂKNA HLAHAI 101 - Hrangkhol bible

INPÂKNA HLAHAI 101

¹Lungkhamna le roirêlna thu kha hla’n sak ki ta: O RENGPA, nangma inpâkin zâi ki ti.

²Lampui sa irkipa khan vâr takin om ki ta: O itika mo ki kuang ni izuang hrang? Ki in sûnga milung sa famirkip irputin om ki ti:

³Thil saloi rêng rêng ki mithmua khan se no ning: Fe’n sualhai sintho chu ki ikhôkmâk a ni; Keimaa kop no ni.

⁴Milung tukullian khan ni rotsan a ta: Thil sual rêng rêng inhre no ning.

⁵Tukhom a bômhai inrûka der ka chu, Kha mi kha inboipai ki ti: Mit irsâng le milung lârirpâk irput mi chu irngai thei no ning.

⁶Hi rama mi iamomhai chunga hin ki mit a chuma, ki kuang an om theina hrangin: Lampui sa hrôtu chu, kha mi khan ki sin tho a ti.

⁷Mi huang hmang mi chu ki in sûnga om no ni: Milak tho intam mi chu ki mithmua indetin om no ni.

⁸A nitin hi rama mi siahai murdi hi inboipai ki ta; RENGPA khopui ata hi thil tho’nsualtuhai murdi inboipai hrangin. Intak tuangtu chongchaina a sôla, RENGPA makunga a lungzîng thu an sîr laia khan.