Read Hrangkhol INPÂKNA HLAHAI 11 Bible Online

INPÂKNA HLAHAI 11 - Hrangkhol bible

INPÂKNA HLAHAI 11

¹RENGPAA khan ki iamna ki’rnghat ngai. Ithoa mo ki hringna kuang hin, “Nin tânga khan, va angin vuang pat roi,”

²En u ta, milung diktak irput izîng hnuaia an kâp theina hrangin, Mi siahai chu thal ngul an dôna, An thal chu a hruia an inkhop chian so.

³Lungphûmhai kha insiata a omin chu, Mi felin imo a itho thei hrang? ni ti ngai.

⁴RENGPA kha a biak in irthianga a oma, RENGPA kha, a rêngtoihmun kha irvâna a om; Mihriam nâihai hi a mitin a ena, an sinthohai a hmu:

⁵RENGPA khan, mi felhai le mi siahai kha irangnatin a fia ngaia: Mi siahai rêk chu a lungrîl murdi’n a khôkmâk ngai.

⁶Mi siahai chunga mei le kât an thotir pea; Phâivua lumhaiin anni kha deng an theitir ngai.

⁷RENGPA kha a fela, felna hi a’rngaiinnat ngai; Mi diktakhai khan a hmêl la hmu an ti.