Read Hrangkhol INPÂKNA HLAHAI 111 Bible Online

INPÂKNA HLAHAI 111 - Hrangkhol bible

INPÂKNA HLAHAI 111

¹RENGPA chu inpâk roi! Mi dik takhai inkhômnaa khan Ki lungrîl murdi’n RENGPA kuang lômthu hril ki ti.

²RENGPA sinthothei chu a roiinpuia, A chunga lômhai murdi’n inhre thiam an nuam ngai.

³A sintho chu mahrip a omin a roiinpuia; A felna chu kumtuanga om hrang a ni.

⁴Ama khan a sinirkhêl thohai chu an inhriat mai ngaia; RENGPA chu mi lunginkham thei tak, inrennaa sip a ni.

⁵Ama chituhai chu fâk rua a pêka; A lungthung chu itiklai khomin irnghil ngai ma.

⁶A sinthohai sinthotheizia chu a mihai kuang an langa, Nam tinhai dongtum chu anni pêkin.

⁷A kut sinthohai chu iam a omin a dika; A thupêkhai chu iam a iom a ni.

⁸Khahai kha kumkhontuanga hrangin indetin a oma; Thutak le dik taka tho a ni.

⁹Ama khan a mihai kuang irtanna a zu tîra, A thuthung chu kumkhua hrangin an kunga; A’rhming chu a’rthiangin a roiinpui a ni.

¹⁰RENGPA chi chu vârna bul a nia; A thupêk zômhai ka kuang inhriat thiamna sa a pêk ngai. Ama’n pâkna chu kumkhua’n om mai a ti.