Read Hrangkhol INPÂKNA HLAHAI 112 Bible Online

INPÂKNA HLAHAI 112 - Hrangkhol bible

INPÂKNA HLAHAI 112

¹RENGPA chu inpâk roi! RENGPA chi mi chu a vân a sa, A thupêkhaia sataka lôm mi chu.

²A chihai chu irnênga hin hrât takin om an ta; Mi dik takhai irchi chu satvurin om an ti.

³A ina khan irchon le sum puan om a ta, A felna chu kumkhua’n om a ti.

⁴Mi dikhai hrangin inthima khan vâr a hong suak ngaia, RENGPA chu mi lunginkham thei tak, inrennaa sip le fel tak a ni.

⁵Mi lunginkhama inpûktir ngai mi chu satna’n a vur ngaia; Ama chu fel takin om thei a ti.

⁶Itika khom inhnîng no nia; Mi fel chu kumkhua’n inhriat maiin om a ti.

⁷Thurchi saloi takhai chi no nia: RENGPA iamin a milung kha a idet a ni.

⁸A milung kha a deta, chi no ni, Ama doituhai chunga a thu nuamlam ten a hmu mâka chu.

⁹A sem indara invâihai kuang a pêka; A felna chu kumkhua’n om a ta; Ama kha roiinpuinaa khan chôiindômin om a ti.

¹⁰Mi sia khan ama kha hmu a ta, a ninginmur a ta; A ha rial a ta, irhmang a ti; Mi sualhai nuamlam chu irhmang a ti,