Read Hrangkhol INPÂKNA HLAHAI 115 Bible Online

INPÂKNA HLAHAI 115 - Hrangkhol bible

INPÂKNA HLAHAI 115

¹Keini ni pe loiin, O RENGPA, Keini ni pe loiin, Ni’rhming chu roiinpuina pe ual ro, Ni lungkhamna le ni thutak sikin.

²Ithoa mo nam tinin, “Khôn mo an Pathian kha?” an ni iti.

³Kin Pathian chu irvâna a oma; A inuam nuam a isin a ni.

⁴An millimhai chu tangka le rângachak an ni, Mihriam kut suak an ni.

⁵Bâi an neia, khan chong thei mahaia, Mit an neia, khan hmu thei mahai.

⁶Mikuar an neia, khan inhre thei mahaia, hnâr an neia, khan mirim inhre thei mahai.

⁷Kuthai an neia, khan ite tôn thei mahai, Ke an neia, khan fe thei mahaia;

⁸Kha siamtuhai kha chu anni ang khan omhai sianlân, A ni, kha iamtuhai khom kha.

⁹O Israelhai, RENGPA chu iam roi. Ama chu nangni changpuitu le nin phô a ni.

¹⁰O Arona in mihai, RENGPA chu iam roi. Ama chu nang changpuitu le nin phô a ni.

¹¹RENGPA khan a nin hriat maia, sat ni vur a ti; Israel mihai chu satvur a ta, Arona in mihai chu satvur a ti.

¹²RENGPA khan a nin hriatmaia, sat ni vur a ti. Israel mihai chu satvur a ta, Arona in mihai chu satvur a ti.

¹³RENGPA chituhai chu satvur a ti, A lian a chînin.

¹⁴RENGPA khan nangni inpungtir sit sit sianlân, Nangni le nin nâihai chu.

¹⁵RENGPA khan sat nangni vur ri se, Irnêng le irvân siamtu khan.

¹⁶Irvânhai khi RENGPA irvânhai a nia, Irnêng rêk hi chu mihriam nâihai a ipêk a ni.

¹⁷Mithihai khan RENGPA chu inpâk mahaia, Hmun inthim taka fehai rêng rêngin inpâk ual mahai.

¹⁸Eini rêkin chu RENGPA inpâk ei ti, Atûna irthoka kumkhontuangin, RENGPA chu inpâk roi!