Read Hrangkhol INPÂKNA HLAHAI 12 Bible Online

INPÂKNA HLAHAI 12 - Hrangkhol bible

INPÂKNA HLAHAI 12

¹RENGPA, ni changpui roh; Pathian ngaisak mi om ta mahaia; Mihriam nâihai ata hi mi iamom chu an boi tâka.

²Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

³RENGPA khan inpâk pa pai hmûr murdi chu âtpai a ta, Thu lârirpâk tak insîrna milei leh khan.

⁴Anni khan, “Ei milei hin inhnê ei ta, Ei hmûrhai hi eini ta ngêt kêng, tu mo ei chunga rêng om?” an ti ngai.

⁵RENGPA khan, “Inrianghai sirbea an om sik le, invâihai inrûm sikin thoi zôi ki ti.

⁶RENGPA thuhai hi thu irthiang tak a ni; Tangka, thîr hâl inzôina meia voisari irthiangtir tâk ang kha a ni.

⁷O RENGPA, nangin anni kha chu vong insa ni ta, Hi thoiintharhai ata hi kumkhua’n zôk an ti.

⁸Mihriam nâihai laia hin sualna chôiindôma omin, Mi siahai chu an irvâk vêl ngai.