Read Hrangkhol INPÂKNA HLAHAI 122 Bible Online

INPÂKNA HLAHAI 122 - Hrangkhol bible

INPÂKNA HLAHAI 122

¹“RENGPA ina fe ei ti,” Ki kuang an ti lai khan ki lôma.

²O Jerusalem, ni kul mikot sûnga kin kehai chu a ngîr tâka.

³Jerusalem, khopui inding thar, Det taka siama irfûk chu:

⁴RENGPA irhming inpâk hrangin ama khan a namhai, Israel namhai ngei chu, A thupêk ang taka RENGPA kuang lômthu insîr hrangin an fe ngai.

⁵Ama khan roirêlna rêngtoihmun intoi a ni, Davida in mihai rêngtoihmun ngei kha.

⁶Jerusalem irtharngamna hrang chu ngên roi: “Nang inhluhai chu hoi pehai a ti.

⁷Ni kul sûnghaia khan irngeina om sianlân, Ni rêng inhaia khan hoina om ri se,” tiin.

⁸Ki urênghai le ki rualhai sikin, “Ni in sûnga khan irngeina om ri se,” ki tia.

⁹RENGPA ki Pathian in sikin, Ni satna hrang zong ki ti.