Read Hrangkhol INPÂKNA HLAHAI 135 Bible Online

INPÂKNA HLAHAI 135 - Hrangkhol bible

INPÂKNA HLAHAI 135

¹RENGPA chu inpâk roi! RENGPA irhming chu inpâk unglân, O RENGPA siahlohaio inpâk roi.

²RENGPA ina sin tho unglân, ei Pathian Biak In hualsûnga omhaio, RENGPA kha inpâk roi.

³RENGPA chu inpâk roi, RENGPA chu a saa; A’rhming inpâkin zâi roi, ama chu lungkhamna a inei a ni.

⁴RENGPA khan Jakoba-hai hi ama ta hrangin an thanga, Israelhai hi a dongtum bîkin a inthang a ni.

⁵RENGPA chu roiinpui tak a ni ti le Ei Pathian chu pathian murdihai nêka anchungtak a nih ti kin hriat.

⁶RENGPA chu a nuamlam murdi chu a sin ngaia, Irvân hai, irnêng hai, tuikhanglian hai, tui inthûk tak sûmhai kôlkunga irthokhaia Khan an hong ngaia, Kôlirlekhai rua hrangin a siama, A fasiara irthokin phâivua a lâk suak ngai.

⁷Ama khan sûmhai kôlkunga irthokhaia khan an hong ngaia; A fasiara khan phâivua an suak ngai.

⁸Ama khan Aigupta ram nâilutîrhai chu a thata, Mihriam le sahai khom.

⁹O Aigupta ram, ama khan irsinsianahai le thil irkhêlhai ni sûnga a zuang tîra; Faroa chunga le a suak murdihai chunga khan.

¹⁰Ama khan nam tamtak a thata, Reng roiinpui tak takhai a thata;

¹¹Amor-hai rêng Sihona le Basan ram rêng Oga le Kanaana rama mi murdi chu:

¹²An ram chu a mihai dongtum hrangin a pêka, A mi Israelhai dongtum hrangin.

¹³O RENGPA, nangma irhming chu kumkhua’n om a ta, O RENGPA, nang an hriatmaina chu suanpâr murdia om a ti.

¹⁴RENGPA khan a mihai chu roirêl pe a ta, A suakhai chu lunginkham a ti.

¹⁵Nam danghai millimhai chu tangka le rângachak an nia; Mihriamhai kut suak an ni.

¹⁶Bâi an neia, khan chongthei mahai, Mit an neia, khan hmuthei mahai.

¹⁷Mikuar an neia, khan inhre thei mahaia, An bâia khan phûk rêng rêng om mah.

¹⁸Kha siamtuhai le a iamtuhai murdi chu, An millim siam ang khan om ri sehai!

¹⁹O Israel mihaio, RENGPA chu inpâk roi; O Arona in mihai, RENGPA chu inpâk roi!

²⁰O Levia in mihai, RENGPA chu inpâk roi; RENGPA chi murdihaio, RENGPA chu inpâk roi!

²¹RENGPA chu Zion-a irthokin inpâkin om ri se, Jerusalem, a ina a omna ngeia khan, RENGPA chu inpâk roi.