Read Hrangkhol INPÂKNA HLAHAI 137 Bible Online

INPÂKNA HLAHAI 137 - Hrangkhol bible

INPÂKNA HLAHAI 137

¹Babulon vakamhaia kin toia; Kha khan kin chap ngaia, Zion kin ngaitua’n.

²Iva kôla phâihriam kunghaia kin serândahai kha kin bâng ngaia.

³“Zion hla inkhat ni sak pe roi,” tiin. Khatak khan suaka ni hruaituhaiin hlasak an ni ngêna; Nuamning ni lôtuhai kha inlômtir theina hrangin an ni ngên ngai.

⁴Mi ramhaia khan RENGPA hla itin mo kin isak thei hrang?

⁵O Jerusalem, nang ki’rnghilin chu, Ki kut chang tiang hin a thil thiam hi irnghil ri se.

⁶Nang kin hriatmai noa, Jerusalem chu ki lômna takin ki bê mai no’n chu, Ki milei hi ki danga kop khak ri se.

⁷O RENGPA, Jerusalem rûnin a om nia Edom-hai tho dân kha inhre maiin lân; “A lungphûm khom insim roi, insim roi,” tia an ikhêk kha inhre mai roh.

⁸O Babulon nâinu, irhmangin om ni ti. Kin chunga ni tho lam anga nang thuan hrang chu lôm takin om a ti.

⁹O nâite têhai nang sutpaia, Lungpui irvêlna hranga hmangtu hrang chu lôm takin om a ti.