Read Hrangkhol INPÂKNA HLAHAI 141 Bible Online

INPÂKNA HLAHAI 141 - Hrangkhol bible

INPÂKNA HLAHAI 141

¹RENGPA, nang ki koi hi, ki kuang zuang latin lân, Nang ki koi laia hin ki hnukirhai tiang ni mikuar zuang sung ro.

²Ki chongchaina hi mirimhoi angin lei pomin lân, Ki kut phar hi khohloi tiang irbôlna angin om ri se.

³O RENGPA, ki bâi kunga hin enkoltu intoitirin lân; Ki bâi mikot hi enkol roh.

⁴Pualoina thilhai thil tho’nsual mihai thopui hranga khan, Ki lungrîl hi thil saloi tiang rêng rêng inpêttir no’n lân; An fâk tui takhai kha nin fatir no roh.

⁵Mi fel khan lungkhamin ni hal sianlân, ni zêm ri se, Khannisianlân, mi siahai chôiindômna rêng rêng pom no ning; An siat sin doi hi ki chongchai nasan tak a ni.

⁶An roirêltuhai chu inkhoia pai thâka an om tikin, Anni khan ki thuhai a idik a nih ti inhre ta an ti.

⁷Mi’n thing a hleka, a hlek hleka a irnôi chit ngai anga hin. An ruhai chu thân bâia irthekin a oma.

⁸Khannisianlân, O RENGPA ki Pathian, keima’n chu ki mitin ni tiang a en mai ngaia, Nangmaa khan ki iamna ki’rnghat ngai; Ki hringna hi silkaiboiin ma viat no ro.

⁹Kin ôkna hranga an chângkam ata nin zôkin lân, Thil tho’nsualtuhai chânghai ata nin zôk ro.

¹⁰Keima’n ki khêl zoi tikin, Mi siahai chu anni chângkam ngeia khan in-ôk ri sehai.