Read Hrangkhol INPÂKNA HLAHAI 142 Bible Online

INPÂKNA HLAHAI 142 - Hrangkhol bible

INPÂKNA HLAHAI 142

¹Ki hnukirhai nei dôrin RENGPA chu kin sama; RENGPA kuang lungkham ki ngêna.

²A kuang ki lungzîngna thu ki hrila; Kin takna thurchihai kin hriattir ngai.

³Ki’rtha ki sûnga a’rzal laia khan, Ama khan lampui chu an hriata. Ki fena lama kin ôkna hrangin, Ki râlhaiin châng inrûkin an kama.

⁴Ki kôl vêl ki ena, Tûte ni changpui hrang lak hmu ma ung, Ni saninzôk hrang om ta maka; Tûte rêng rêngin ki hringna hi ngaisak ta mahai.

⁵O RENGPA, nang kin sama; “Nang chu ki saninzôkna, Mi hring rama ki dongtum ni ni,” ki tia.

⁶Ki khêk irhâi hi irngaiin lân; A saterenga irthuaitirin ki om tâka. Deng nin theitirtuhai ata hi ni saninzôkin lân; Keima hrangin a sân an hrât oka.

⁷Nangma irhming kin pâk theina hrangin; Ki hringna hi intângna ina irthokin hruai suak roh. Khanchu nangma ki chunga ni sa sikin; Ni mi felhai irbûmnaa khan nang inpâk ki ti.