Read Hrangkhol INPÂKNA HLAHAI 143 Bible Online

INPÂKNA HLAHAI 143 - Hrangkhol bible

INPÂKNA HLAHAI 143

¹O RENGPA, ki chongchaina hi irngaiin lân; Lungkham ki ngênnaa hin ni mikuar sung ro. Ni iamomna sik le ni felna sikin ni sâm ro.

²Ni suak chunga hin fiana sia no ro; Ni mithmua khan mi fel rêng rêng om mahai.

³Râlhai khan an ni’rzûla, Ki hringna hi irnênga an sirphaa; Mithi tâkhai angin hmun inthim taka an ni khuma.

⁴Khasikin ki’rtha hi ki sûnga a’rzala; Ki char a dong khak ta.

⁵Tianlai sûnhai chu ki sût ngaia.

⁶Ki kulhai hi ni tiang ki phar ngaia; Ki hringna hi ramchâr tak angin Nangmaa a inhrâl a ni.

⁷O RENGPA, ni sâm zôi zel ro! Ki’rtha a’rzal ta. Keima ata hi ni hmâi thup no ro, khano’nchu khurpadopa chumhai angin ki om duai itinin.

⁸Zînga khan ni lungkham lianna thu nin hretirin lân, Nangmaa ki iamna ki’rnghata. Ki fena hrang chu nin hretirin lân; Ki hringna hi ni kuta kin kol khaka.

⁹O RENGPA, ni doituhai ata chu ni sansuakin lân; Ni ni thup hrangin ni kuang ki hong intân a ni.

¹⁰Nang chu ki Pathian ni nia; Ni nuamlam sin nir chûtir roh. Nangma irtha dik tak khan, Lam hoia ni hruai ri se.

¹¹O RENGPA, nangma irhming sikin ki hringna hi hrungin lân; Ni fena sikin lungzîngna ata ni hruai suak ro.

¹²Ni lungkham lianna sikin ni doituhai chu irhmangtirin lân, Ni nêpsiatuhai murdi chu irhmangtir ro, Ni suak ki ni sikin.