Read Hrangkhol INPÂKNA HLAHAI 145 Bible Online

INPÂKNA HLAHAI 145 - Hrangkhol bible

INPÂKNA HLAHAI 145

¹O RENGPA, ki Pathian, nang chôiindôm ki ta, Nangma irhming hi kumkhontuangin inpâk ki ti.

²A nitin nang inpâk ki ta, Ni’rhming hi kumkhontuangin inpâk ki ti.

³RENGPA chu a roiinpuia, roiinpui taka inpâk hrang a ni; A roiinpuizia chu suisuak zât ni mah.

⁴Irlo khatin irlo dang kuang ni sinthohai chu inpâk thiai mai an ti. Ni sintho roiinpui takhai chu inhretir an ti.

⁵Nangma chôiindômna roiinpui tak le, Ni sinirkhêl thohai chu ngaitua ki ti.

⁶Mihaiin ni sintho ichiom takhai irtha neizia chu insîr an ta, Kei khomin ni roiinpuizia inpuang ki ti.

⁷Ni satna roiinpui takhai chu hril an ta, Ni felna thu hi raifân takin hla’n sak an ti.

⁸RENGPA chu mi lunginkham thei, satnaa sip, Lung ir-ial, lungkham lianna nei a ni.

⁹RENGPA chu tinrêng chunga a saa, A lungkhamna chu a thilsiam murdi chunga a om.

¹⁰O RENGPA, ni thilsiam murdi khan ni kuang lômthu hril an ta, Ni mi irthianghai khomin nang inpâk an ti.

¹¹Ni ram roiinpuizia thu hril an ta, Ni sinthotheizia thu insîr an ti.

¹²Khanchu mi tinrêngin ni sintho roiinpui takhai le Ni ram enhoi roiinpuizia chu inhretir an ti.

¹³Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

¹⁴RENGPA khan an rîlhai murdi chu an tûk mai ngaia; Kûn riam riama omhai chu a kaithoi ngai.

¹⁵Ni thilsiam murdi mithai khan nang an thîr maia, Nangma’n a zoro taka an fâk hrang ni pêk ngai.

¹⁶Ni kut ni phara, Thilhring murdi irzukna chu nin boi ngai.

¹⁷RENGPA chu a om dân murdia a fela, A sintho murdia mi lunginkham thei tak a ni.

¹⁸RENGPA khan ama koitu murdihai chu anai ngaia, Koi tak taka koituhai kuang khan.

¹⁹Ama chituhai nuamlam chu hlo an chuk pe ngaia, An khêk irhâi chu an hriata, anni chu a saninzôk ngai.

²⁰RENGPA khan ama lungthungtuhai murdi chu satakin a donsui ngaia; Mi siahai rêk chu irhmangtir zit a ti.

²¹Ki bâi hin RENGPA inpâkna thu insîr mai a ta, Khan, a thilsiam phûk nei murdi’n ar hming irthiang chu kumkhontuangin inpâk ri se.