Read Hrangkhol INPÂKNA HLAHAI 146 Bible Online

INPÂKNA HLAHAI 146 - Hrangkhol bible

INPÂKNA HLAHAI 146

¹RENGPA chu inpâk roi! O ki hringna, RENGPA chu inpâk ro!

²Ki hring sûng kâr ka RENGPA chu inpâk ki ta; Ki hringna murdi’n Pathian chu inpâkin zâi ki ti.

³Mi lianhai chunga irnghat no unglân, Mihriam rêng rêngin nangni saninhring thei no ni.

⁴An phûk a om no tena chu pila an kîr nôka; Kha nikhua zela khan an ngaituahai chu a irhmang ngai a ni.

⁵Jakoba Pathian a changpuitua nei mi chu a vân sa, RENGPA Pathiana irnghat mi chu.

⁶Ama chu irnêng le irvân, Tuikhanglian le a sûnga om murdi siamtu a nia; Ama chu kumkhua’n a chonginkunga a om ngai;

⁷Ama khan nêpsiana tuanghai hrangin roi a rêl ngaia; Phîngchâm tuanghai kuang fâkrua a pêk ngai. RENGPA’N chu mi intânghai an sua ngaia;

⁸RENGPA khan mitchohai mit an vâr pe ngai. RENGPA khan an rîlhai a kaithoi ngaia; RENGPA khan mi felhai chu lung a thung ngai.

⁹RENGPA khan mikhualhai chu a enkol ngaia, Pa nei loi le meithâihai chu a changpui ngaia; Mi siahai thiltum rêk chu an siat pe ngai.

¹⁰RENGPA chu kumkhua hrangin toi a ta, O Zion, ni Pathian chu irlo murdi dênin rêngin toi a ti. RENGPA chu inpâk roi!