Read Hrangkhol INPÂKNA HLAHAI 16 Bible Online

INPÂKNA HLAHAI 16 - Hrangkhol bible

INPÂKNA HLAHAI 16

¹O Pathian, ni sûnghual roh: nangmaa khan ki iamna ki’rnghat ngaia.

²RENGPA kuang chu, “Nang chu ki RENGPA ni nia: Nangma no chu satna rêng rêng nei ma ung.

³Irnênga mi irthiang omhai chu, Anni chu mi sa, ki lômna murdi omna chu an ni,” ki iti a ni.

⁴RENGPA pathian dang irchihai chu, an beidongnahai la pung a ti: An thisen inhlanin mihai chu inhlan sa no ninga. Ki hmûrin an irhminghai irlam ual no ning.

⁵RENGPA chu ki’rchon lua hrang le ki khilât dong hrang chu a ni: Nangin ki dongtum chu ni nin det pe ngaia.

⁶Irkhîna hruihai chu hmunhoi takhaia keima hrangin a tâk lik tâk a ni; A ni, irchon satak ki ilua tâk a ni.

⁷Zoro inchum nin kung petu RENGPA chu inpâk ki ta, a ni, zânhaia chu ki lungrîlin a ni sep ngai.

⁸RENGPA chu ki makunga kin omtir ngaia, ki chang tiang a om sikin inhnîng no ning.

⁹Khasikin ki lungrîl a lôma, ki milei khom a lôma: ki taksa khom satakin om a ti.

¹⁰ki’rtha chu Seol kuang khan masan rak no chi nia; ni mi irthiang hmon hmu kha phal no chi ni.

¹¹Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.