Read Hrangkhol INPÂKNA HLAHAI 17 Bible Online

INPÂKNA HLAHAI 17 - Hrangkhol bible

INPÂKNA HLAHAI 17

¹O RENGPA, ki felna thu hi inhren lân, ki khêk irhâi hi irngaitua’n lân; Milak tho ngai loi hmûr ata suak ki chongchaina hi ni mikuar zuang dô roh.

²Ki chunga chum chu nangma ata suak ni sianlân, Ni mit kha theibîk nei loiin en ri se.

³Ki lungrîl hi ni fiaa, zâna ni ni hroa; Ni ni fia tâka, ite hmu mak chea; Ki bâiin insîrin sual no nih ki ti ngit a ni.

⁴Mihriam sinthoa chu, ni hmûra thu suak sikin. Mi nunrông lampuia fe loi hrangin ki irvong insa a ni.

⁵Ki ke pêthai hin ni lampui a zui ngita, Ki ke pêt hi châi ngai mah.

⁶O Pathian, nang ki koi zoro’n, ni ni isâm hrang a ni: Keima tiang hin ni mikuar zuang do’n lân, ki ihril hi irngai roh.

⁷O, nangmaa iamna irnghat murdi anni beituhai ata ni kut chang tiang saninhring ngaitu, Ni lungthungna irkhêl tak chu inlangtir roh.

⁸Mi sia nin siattheitu, Ni doi hena ni hual vêltuhai ata chu mitlailên angin vong insa’n lân, Ni mitha hnuaia ni thup roh.

¹⁰Mâni an irfâ inmara, lârirpâk takin an bâiin an chong ngai.

¹¹Atûn hin chu kin ke pêtna tina an nir hual tâka, Irnênga nin rîltir hrangin an mithai chu kin chunga an inkoptir mai.

¹²Anni chu Kâmkeibaknei sa sê hrang irzuk tak ang le, Kâmkeibaknei vânglai hmun fianrialhaia a inbok chian ang kha an ni.

¹³O RENGPA, thoiin lân, Ama kha ma songin lân, inkûntir khak roh: Ki hringna hi ni khandaiin saninzôkin lân,

¹⁴O RENGPA, ni kutin mihriamhai ata, Rammual mihriamhai ata hi saninzôk roh; Anni dongtum chu atûn hring sûnga an inei hi a nia, An phîng chu nir chon hrangin nin siptir pe ngaia, nâi le te lungchuk takin an neia, An sum hmang ban chu an nâitesenhai an thisan pe ngai.

¹⁵Keima’n chu felna neiin ni hmêl ki hmua: Nangma angna neia ki meng tika chu lunginchuk ta ki ti.