Read Hrangkhol INPÂKNA HLAHAI 19 Bible Online

INPÂKNA HLAHAI 19 - Hrangkhol bible

INPÂKNA HLAHAI 19

¹Irvân khin Pathian roiinpuizia an langtira, Boiruak irzat tak khin a kut suak chu an langtir ngai.

²Sûn hin sûn dang kuang thu an sîr nôk thiaia. Zân hin zân kuang inhriatna an langtir nôk ngai a ni.

³Thu insîr rêng rêng le chong rêng rêng om maka; An irhâi kha benga inhriat thei ni mah.

⁴An irkhîna hrui kha irnêng murdia irzâm suakin a oma; An thu kha kôlkung dên rakin an thang suak tâka. Khahaia khan misa hranga khin puan in a zâra,

⁵Kha misa kha moineitu hrang a chontan ata suak ang kha a nia, Mi hrât tak angin a intânna lampuia intân hrang kha a râi a fân ngai.

⁶A suakna kha kôlkung ata a nia, An tân kualna chu a kiang tiang kôlkung dênin a nia, A lum inhre loia thup rêng rêng om mah.

⁷RENGPA dân kha a sa’rkipa, hringna a siam insa ngai. RENGPA thu’nhriattir kha iam a oma, mi’nmôl an vârtir ngai;

⁸RENGPA isepna kha a dika, lungrîl an lômtir ngai; RENGPA thupêk kha a’rthianga, mihai an vârtir ngai.

⁹RENGPA chitna chu a fâia kumkhua hrangin a om ngai: RENGPA roirêlna chu a dika, a fel zit a ni.

¹⁰Kha kha rângachak irthiang tamtak nêk khomin: Khuaihlutui le khuaithâr nêkin a thum ual sa a ni.

¹¹Kha no khom, kha thuhaia khan ni siahlo hi ingo’n ki om ngaia: Khaanga zôm kha lômman irkhêl neina a ni ngai.

¹²Tu’n mo mani tho’nsualhai inhre thei hrang? Sual irthuphai ata hin ni’rkêmtir roh.

¹³Nakhrâta thil sual tholoi hrangin ni siahlo hi ni chel khak roh; Ki chunga ircham inneitir no roh; Khanchu sa’rkirpin om ki ta, Tho’nchâina irkhêl tak ata sêlna boiin om ki ti.

¹⁴O RENGPA, ki lungpui le a ni’rtantu, ki bâia thu suakhai le ki lungrîla ngaituanahai hi ni mithmua lôm inruk takin om ri se.