Read Hrangkhol INPÂKNA HLAHAI 2 Bible Online

INPÂKNA HLAHAI 2 - Hrangkhol bible

INPÂKNA HLAHAI 2

¹Nam tinhai kha itho mo an inuar? Mi tinin ithoa mo chanlamboi an ingaitua?

²An rênghai chu an irhela, An hruaituhai khom inrualin RENGPA le a rêng inthang kha doiin thu an ngaituaa;

³Anni khan, “An inlalna hnuai ata zôkin, An irchamneina hi hlîkpai roi,” an tia.

⁴RENGPA khan irvâna a rêngtoihmuna ata innui a ta; An chanlamboi ngaitua kha innuina’n hmang a ti.

⁵Kha hnung chu ningmurin an kuang thu insîr a ta, Ninginthikin anni kha chaninvâitir a ti.

⁶RENGPA’N “Keima ngeiin ki tâng irthiang Zion-a khan, Ki rêng inthang chu ki intoitir a ni ta,” a tia.

⁷Reng khan, “RENGPA thuphuang chu hril ki ti,” a tia. Ama khan ki kuang, “Nang chu ki nâipa ni ni; A vuan hin nang ki inei tâk a ni.

⁸Ni nghi roh, khanchu nam tin tin nir chon hrangin nang pe ki ta; Rammual pumpui ni ta ni zit a ti.

⁹Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

¹⁰Khasikin, O rênghai, vâr ta unglân; Irnênga roirêltuhai, irdîn takin om ta roi.

¹¹Chi pumin RENGPA sintho unglân;

¹²Irlô inthing pumin a makunga kûn roi, khano’nchu, a ninginmur a ta, voikhat rengin lam laia nin irhmang itinin. Ama chunga an iamna irnghattu murdi chu an vân a sa.