Read Hrangkhol INPÂKNA HLAHAI 21 Bible Online

INPÂKNA HLAHAI 21 - Hrangkhol bible

INPÂKNA HLAHAI 21

¹O RENGPA, rêng kha ni hrâtnaa hin raiinfân a ta, Ni saninhringnaa hin a raiinfân hrang bâka!

²A milung nuamlam chu ni pêka, A hmûra a thil zong phal mak che.

³Satna satvurnahaiin ni ni’rtongpuia; Rângachak irthiang rênglukhum nin khumtira.

⁴Ama’n chu hringna nang a ngêna, ni lei pêka; kumkhontuanga dam maina chu.

⁵Ni changpui sikin a roiinpui tak taka: Chôiindômna le roiinpuina a chunga ni’rnghat ngaia.

⁶Kumkhua hranga satvurna irkhêl tak dongin ni siama: Ni makunga raifânna’n nin lômtir ngai.

⁷Reng khan RENGPA chu a iama, Anchungtaka lungkhamna sikin inhnîng no ni.

⁸Ni kutin nangma doituhai murdi chu zong suak zit a ta: Ni kut chang tiangin nang a khôkmâktuhai zong suak a ti.

⁹Ni ninginmur tika chu anni kha hâl inzôina meichok luai luai angin siam ni ta, RENGPA khan anni kha ningmurin inlem zoi a ta, Mei khan kâng irhmang a ti.

¹⁰An rahai kha irnêng ata irhmangtir ni ta, An irchihai kha mihriam nâihai lai ata irhmangtir sa ni ti.

¹¹Ni chunga khan thilsual tho an tuma; Thil sual an ngaitua suaka, thangsua thei mahai.

¹²Nangin anni kha hnung insongtirhai ni ta, An hmâi irdîna ni thal sia ni ta, Lâizâm tho an ti.

¹³O RENGPA, ni hrâtnaa khan chôiindômin lei omin lân: Khanchu ni sinthotheina inpâkin hla sak kin ti.