Read Hrangkhol INPÂKNA HLAHAI 24 Bible Online

INPÂKNA HLAHAI 24 - Hrangkhol bible

INPÂKNA HLAHAI 24

¹Irnêng le a sûnga om murdi hi RENGPA ta a nia; Rammual le a sûnga lênghai leh hin.

²Tuikhanglian chunghai ama inding a nia. Tuipui chunghai khom an dettir saa.

³RENGPA tânga tu mo kâiin, A hmun irthianga tu mo ngîr hrang?

⁴Kut fâi le milung irthiang neia, A lungrîl ite ni ngai loina tianga se ngai loia, Huang tuma khomâksâm ngailoi mi kha.

⁵Ama kha RENGPA kuang ata satvurna dong a ta, A saninhringtu Pathian kuang ata felna dong sa a ti.

⁶Pathian zongtuhai chu kha ang mi kha an ni, O Jakoba Pathian, ni hmêl zongtuhai chu.

⁷O kul mikothaio, nin lu chunghai kha indom irsâng unglân; Khanchu roiinpuina Reng hi a zuang ilût hrang a ni.

⁸Roiinpuina Reng chu tu mo a ini? RENGPA hrât tak le sinthothei tak, RENGPA, irdoinaa sinthothei tak kha a ni.

⁹O kul mikothaio, nin lu chunghai kha indom irsâng unglân, A ni, tianlai mikothaio, indom irsâng roi: Khanchu roiinpuina Reng kha a zuang ilût hrang a ni.

¹⁰Kha roiinpuina Reng kha tu mo a ini? Sipaihai RENGPA kha, Ama ngei kha roiinpuina Reng kha a ni.