Read Hrangkhol INPÂKNA HLAHAI 25 Bible Online

INPÂKNA HLAHAI 25 - Hrangkhol bible

INPÂKNA HLAHAI 25

¹O RENGPA, ki lungrîl hi ni kuang ki sia ngit ngai.

²O ki Pathian, nang ki iama, Mualinphoiin nin omtir no’n lân; A ni doituhai ni ingam hrang chu ni phal no roh.

³A ni, nangma nghâktu rêng rêng chu tûte mualinphoiin om no nihai: Asan om loia vârirlet taka thotuhai chu mualinphoiin om an ti.

⁴O RENGPA, ni lampuihai nin hriattirin lân; Ni lampui thurchihai nin hretir roh.

⁵Ni thutaka khan ni hruaiin lân, nir chutir roh, Nang chu a ni saninhringtu Pathian ni nia; Sûn sôt nang ki nghâk mai tâk hi.

⁶O RENGPA, nin rennahai le ni lungkham lianzia kha inhre maiin lân; Tianlai ata lei om kumkhua tâk ni nia.

⁷Ki thoibop lai sualnahai le insiatnahai kha inhre mai no’n lân; O RENGPA ni satna sikin, Ni lungkhamna sikin nin hre mai roh.

⁸RENGPA chu a sain a idik a ni. Khasikin mi sualhai kha lampui inentir a ti.

⁹Thuhnuairôlhai kha roirêlna fela hruai a ta: Thuhnuairôlhai chu ama lampui thurchi irchutir a ti.

¹⁰A thu’nkung le a thu inhriattir zômtuhai ta hrangin chu, RENGPA lampui murdihai kha lungkhamna le thutak zit a ni.

¹¹O RENGPA, nir hming sikin ki sualhai ngaidamin lân; a natinsat tâk a ni.

¹²RENGPA chi mi chu tu mo a ini? Kha mi kha chu a lampui inthang hrang kha lan entir a ti.

¹³A hringna chu hoi takin om a ta; A’rchihai khan ram kha la lua an ti.

¹⁴RENGPA thu’rthup chu ama chituhai kuang om a ta, A thu’nkung chu anni kha inhretir a ti.

¹⁵Ki mitin RENGPA tiang a en mai ngaia: Ama khan ki kehai hi lên ata a la ikaisuak hrang a ni.

¹⁶Keima tiang hin hong irheiin lân, ni lunginkham roh; Beidong le intak takin ki oma.

¹⁷Ki milung buainahai hi a na ok tâka; O, ki lunginzîngnahai ata hi ni hruai suak roh.

¹⁸Ki intakzia le ki lunginzîngzia hi ngaitua’n lân, Ki sualna murdi ngaidam roh.

¹⁹A ni doituhai kha lei ngaitua ta, tamtak an ni; a sate’n an ni ihnôl a ni.

²⁰O, ki hringna vong insa’n lân, ni saninzôk roh: Mualinphoiin nin omtir no roh, Nangmaa khan ki iamna ki’rnghata.

²¹Ki lungrîl satna le ki dikna’n ni saninzôk ri se. Nang ki inghâk mai a ni.

²²O Pathian, Israelhai hi An lunginzîngna murdi ata saninzôkhai roh.