Read Hrangkhol INPÂKNA HLAHAI 26 Bible Online

INPÂKNA HLAHAI 26 - Hrangkhol bible

INPÂKNA HLAHAI 26

¹O RENGPA, roi ni rêl pe roh, lungrîl satak irputin ki oma.

²O RENGPA, ni enfiain, ni fia’nlân; Lunghla loiin RENGPA kha ki iama. Ki lungrîl le ki milung hi irthiangtir roh.

³Ni lungkhamna kha ki makunga a oma, Ni thutaka ki om mai hen a ni.

⁴Mi ite ni loi mai maihai kuang toi ngai ma unga; Vârirlethai kuang khom lût hliak no ning.

⁵Thil saloi thotuhai inkhômhai kha ki khôkmâka, Mi siahai kuang toi no ning.

⁶Ki kuthai hi sêlnaboiin irsûk ki ta, Khasikin, O RENGPA, ni maichâm kha irhîl ki ti;

⁷Lômthu insîrna hnukirhâi kin neitir theia, ni thilirkhêl tho murdihai kha ki hril theina hrangin.

⁸RENGPA, ni omna in kha ki’rngaiinnata, Ni roiinpuina omna khom.

⁹Ki hringna hi mi sualhai laia irzêltir no’n lân, Ki hringna khom hi thisen insua ngaihai lai khan la sa no roh:

¹⁰An kut chang tiang chu fâk inrûkna’n a sipa.

¹¹Khannisianlân kei chu lungrîl sa irputin om ki ti: Lung nin khamin ni saninzôk roh.

¹²Ki ke hi hmun inzôl taka a ngîra; Inkhômnahaia khan RENGPA chu inpâk ki ti.