Read Hrangkhol INPÂKNA HLAHAI 27 Bible Online

INPÂKNA HLAHAI 27 - Hrangkhol bible

INPÂKNA HLAHAI 27

¹RENGPA chu ki vârna le ni saninhringtu a ni; tu mo ki ichi hrang? RENGPA chu ki hringna kulpui a ni; tu mo ki ichi hrang?

²Thil saloi thohai, a ni doituhai le ki ikhôkmâkhai khan, Ki hmê fâk an tuma an ni bei lai khan, An irfûia, an tûk tâka.

³Sipai pâlhaiin ni bêi tumin ni hualhai khom sianlân, Ki lungrîl indôp no ni: Ki chunga irdoina hong tung khom sianlân, Khan khomin iam ngit ki ti.

⁴RENGPA kuang thil inkhat ki ngêna, Kha vai kha zong ki ti, RENGPA satzia hmu hrang le, a biak ina thu irdon hrangin. Ki hring sûngin RENGPA ina ki om mai theina hrangin.

⁵Lunginzîng nia chu a riakbuka nir bîktir a ta; A saninzôkna puan ina khan ni thup a ti: Lungpui chunga nin dom inkhâi a ti.

⁶Atûn chu a ni doitu, ni hual vêltuhai chung tiang ki lu hi chôiirsângin om a ti; Khanchu, a puan ina khan râifânna irbôlnahai inhlan ki ta; Zâi ki ti, a ni, RENGPA inpâkin zai ki ti.

⁷O RENGPA, ki khêka nang kin samin chu irngaitua roh. Lung nin khamin lân, ni sâm roh.

⁸“Ki hmêl zong roi,” tia ni ti lai khan; ki milungin chu ni kuang, “RENGPA, ni hmêl zong ki ti,” a tia.

⁹Keima ata hi ni hmâi thup no’n lân; Ni siahlo hi ningmurin inboi no roh. Nang chu ni changpui ngaitu ni ni ngaia; O ni saninhringtu Pathian, ni pai thâk no’n lân, ni rotsan viat no roh.

¹⁰Ka nu le ka pa khan an ni rotsan tâka, Khannisianlân RENGPA’N khan ni la donsui a ti.

¹¹O RENGPA, ni lampui kha nin entirin lân; Ki râlhai sika hin, Lampui inzôl taka ni hruai roh.

¹²A ni doituhaiin an nuam nuama ni lo hrangin ni pe viat no’n lân: Inhretu milakhaiin an ni beia, nunsia thu kaisua ngaihai khan.

¹³Mi hring rama hin RENGPA satna hmu hrangin ir-iam no inlân chu ki irzal hrang tâk a ni.

¹⁴RENGPA kha nghâk mai roh; Hrât takin omin lân, ni milung kha inhâitir ri se; A ni, RENGPA chu nghâk mai roh.