Read Hrangkhol INPÂKNA HLAHAI 28 Bible Online

INPÂKNA HLAHAI 28 - Hrangkhol bible

INPÂKNA HLAHAI 28

¹O RENGPA, nang ki ikoi hrang a ni; Ki lungpui, keima ata ni mikuar insêttir no roh: khano’nchu, nangin ni ni dâisanhrekin chu, Khurpadopa suakhai ang dênin lei omna lik ki ti.

²Nang kin sama ki kuthai hi ni biakna hmun irthiang tiang ki pharin chu, Lungkham ki ngênna irhâi hi ngaitua roh.

³Mi siahai laia le thil tho’nsualtuhai laia chu Ni hnûkpai sa no’n lân; Khahai khan chu an bômhai kuang irngeina thu an insîr ngaia, Khannisianlân a milunghaia khan thil tho’nsualna a om chian a ni.

⁴An sintho ang zêl le, an thilthohai a sualzia ang dênin thuanin lân; An kuta an itho ang dênin thuanin lân; An sualna man irhmutir roh.

⁵RENGPA sinthohai le A kuta a sintho kha an ngaisak no sikin. Ama khan annihai chu siam insa loiin insiat a ti.

⁶Lungkham ki ngênna irhâi hi ar ngaitua sikin. RENGPA chu inpâkin om ri se.

⁷RENGPA chu ki hrâtna le ki phô a nia; Ki milung hin ama kha a iama, Khanchu changpuiin ki oma; Khasikin ki lungrîl hi a lôm tak taka; Ki hla khan ama kin pâka.

⁸RENGPA chu an hrâtna a nia; A sahriak pol hrangin chu saninhringna kulpui a ni.

⁹Ni mihai saninhringin lân, nangma tahai kha satvur roh: Annihai kha infa’n lân, kumkhua’n pom roh.