Read Hrangkhol INPÂKNA HLAHAI 30 Bible Online

INPÂKNA HLAHAI 30 - Hrangkhol bible

INPÂKNA HLAHAI 30

¹O RENGPA, nang chôiindôm ki ti: nangin ni nin dom irsâng tâka; A ni doituhai ni inriam kha ni phal no sikin.

²O RENGPA ki Pathian, Nang kin sama, nangin ni nin dam tâka.

³O RENGPA nangin ki hringna hi Seol ata chu ni hruai suaka: Khurpadopa ki chum loina hrangin nangin ki hringna ni saninzôk mai tâka.

⁴O, a mi irthianghaio, RENGPA inpâkin zâi unglân, A’rhming irthiang kha inpâk roi.

⁵A ninginmur kha mitkhap kâr vai a nia; A indit bîknaa khan hringna a om ngai: Chapna hi riak hrangin khohloi tiang a hong lût theia, Zînga chu raifânna a zuang tung ngai.

⁶Kei chu ki hlochuk lai khan, “Itika khom inhnîng no ning,” ki tia.

⁷RENGPA, nangin ni indit bîkna sikin ki tâng chu a hong indettir tâka: Khannisianlân ni hmâi ni thupa, ki char a lei idong tâk kha,

⁸O RENGPA, nang kin sama; RENGPA kuanga ngei khan lungkhamna ki ngên kha;

⁹Thi inlân, thân khura ni phûmhai sianlân, ni ta hrangin imo ar fêna om? vâiphinin nang a inpâk hrang ma ni? ni thutak hi a inhriattir thei hrang ma ni?

¹⁰O RENGPA, irngaitua’n lân, lung nin kham roh: RENGPA, a ni changpuitu ni roh.

¹¹Ki mithi irngaina chu ki hrangin lômna nin changtir tâka; ki bora puan chu ni hlîkpaia, raifânna’n ki konga ni ni khit tâka;

¹²Ki roiinpuina hi, dâihrek loia, nangma inpâka a sakna hrangin. O RENGPA ki Pathian, kumkhua’n lômthu nang hril mai ki ti.