Read Hrangkhol INPÂKNA HLAHAI 36 Bible Online

INPÂKNA HLAHAI 36 - Hrangkhol bible

INPÂKNA HLAHAI 36

¹Mi sia tho’nsualna khan ki milung sûnga hin thu an sîra, “A mithmua Pathian chitna rêng rêng om mah,” tiin.

²“Ki tho’nsualna hmusuak no nihai, ni khôkmâk ual no nihai,” tiin. Mâni mithmua ar pâk nôk ngaia.

³A bâia thu suakhai chu sualna le huangna thu’n zen a ni ngaia: vârna le thil sa thôna kha a mâk tâka.

⁴A zâlhmun ata thil sual a ngaituana ngai; Lampui sa loia khan a fe li lia; Sualna chu intir mah.

⁵O, RENGPA, ni lungkhamna chu irvânhaia khin a oma; Ni iamomna khan irvân dukhai khi a iphâk a ni.

⁶Ni felna chu Pathian tânghai ang a nia; Ni roirêlna chu tui inthûk irzat tak ang a ni: O RENGPA, mihriam le sa ni sûnghual ngai.

⁷O Pathian ni lungkhamna chu a hlu bâka! Mihriam nâihaiin ni mithâ hnuai an irchu ngai.

⁸Anni chu ni insûng thil sa’n inkhophai a ta; Ni lômna vadunga om kha in intir sahai ni ti.

⁹Hringna tuikhur chu ni kuanga om a nia: Ni vâra khan vâr la hmu kin ti.

¹⁰O, nangma inhretuhai chunga khan ni lungkhamna kha inlangtir maiin lân; Milung dik tak irputhai chunga khom ni felna kha inlangtir mai roh.

¹¹Lârirpâk ke chu ni bei hrangin keima tiang pêt no sianlân, Mi sia kut khomin ni’rzûlpai no ri se.

¹²So son thil sual thotuhai chu an tûk chiana: Nam irtet an nia, thoi thei ta no nihai.