Read Hrangkhol INPÂKNA HLAHAI 4 Bible Online

INPÂKNA HLAHAI 4 - Hrangkhol bible

INPÂKNA HLAHAI 4

¹O ki felna Pathian, nang ki koi zoro’n ni sâm roh; Ki lunginzîng lai hin ni san roh. Lung nin khamin lân, ki chongchaina nir ngaitua pe roh.

²O mihriam nâihaio, ki roiinpuina hi i dôr ten mo mualphoinaa ni inchangtir hrang? I dôr ten mo thil ite ni loi hi ni irngaiinnat hrang, milak thu ni izui hrang?

³RENGPA khan Pathian uksak mi chu ama ta hrangin a tumin a siaa, ti inhre roi: RENGPA chu, ki koi rikipin lei irngai a ti.

⁴Chi no unglân, thilsual tho no roi: Nin zâlhmuna khan nin milunga irngaitua unglân, dâiriam roi.

⁵Felna irbôlnahai kha inhlan unglân, RENGPA, chu iam roi.

⁶“Satna rêng rêng tu’n mo nin hmutir ta hrang?” tituhai chu tamtak an om. RENGPA, nangma ngeiin ni hmêl vâr khan ni zuan êl roh.

⁷An bu le an uain hong inlâp zoro’n an lômna irthûla, Lômna irkhêl ual ki milunga hin nin omtira.

⁸Irtharngam takin zâl ki ta, in sa ki ti: RENGPA, nangma ngei hi a ni, mâni ringot khoma izôka nin omtir ngai.