Read Hrangkhol INPÂKNA HLAHAI 41 Bible Online

INPÂKNA HLAHAI 41 - Hrangkhol bible

INPÂKNA HLAHAI 41

¹Inrianghai ngaitua mi chu a vân a sa e, lunginzîng nikhuaa chu RENGPA’N ama kha saninzôk a ti.

²RENGPA’N ama kha sûnghualin inhringtir a ta, irnênga hin satvurin om a ti: Ama doituhai nuam nuama tho hrangin pe no roh.

³RENGPA’N a’rzalna zâlhmuna ata inhrettir a ta: Nangin a damloi laiin a zâlna ni siam pe zit ngai.

⁴Keima’n, “O RENGPA, lung nin khamin lân, ki hringna hi indamtir roh, Ni chunga thil ki tho’nsual tâka,” ki tia.

⁵A ni doituhai khan, “Itika mo thi a ta, ar hming a iboi hrang?” tiin. A nin sîrinsiat ngaia.

⁶Khan, an lai ata tu’n mani a ni hong kan lakin, ite ni loi mai mai thu an insîra; A milung khan sualna a lâk khôm ngaia: A fe suak le chu mi a hril ngai.

⁷A ni khôkmâktu murdi khan ni hnôlna thu an insîr irtuka: A nin siatna hrang an ngaitua ngai.

⁸“Natna saloi takin a de tâka: Atûna a izâl hi thoi nôk ta no ni,” an tia.

⁹A ni, ki rual lunginkham, ki iiam tak, ki bai fâkpui ngei khan a ke ârtui ki chunga an lek tâka.

¹⁰Khannisianlân, O RENGPA, nangin lung nin khamin lân, Annihai kha ki thuan theina hrangin ni kaithoi nôk roh.

¹¹Hitaka hin ki chunga ni lôm ti kin hriat, A ni doitu khan a ni ngam ngai no sikin.

¹²Kei chu lungrîl satak ki’rputnaa hin nangin ni ompui ni ta, A makunga khan kumkhua hrangin a ni siaa.

¹³RENGPA, Israel Pathian chu kumtuang ata kumtuang dênin inpâkin om ri se. Amen, Amen.