Read Hrangkhol INPÂKNA HLAHAI 42 Bible Online

INPÂKNA HLAHAI 42 - Hrangkhol bible

INPÂKNA HLAHAI 42

¹Sakhi vadung tuihai irzuka a irsam phût phût ang hin, O Pathian, ki hringna hi nangma irzukin a inphu huan huan a ni.

²Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

³Ki mitrithi hi a sûn a zânin ki bu a ni. “Khôn mo ni Pathian te,” a ni la tia.

⁴Hi thil hi kin hriat maia, ki hringna hi ki sûnga a bunpaia, Mipui laia ki fea, raifânna le inpâkna irhâi le, mi tamtak hruaithe, Pathian biak in pana, an maton ki ihruai ngaiziahai kha.

⁵O ki hringna, ithoa mo ni ikûn chian? Ithoa mo ki sûnga hin ni ibuai? Pathian sabei roh: a hmêla damna sikin. Ama kha ki la inpâk hrang sikin,

⁶O ki Pathian, ki hringna hi ki sûnga hin a kûn chiana: Khasikin Jordan le Hermon ramhai ata, Mizar tânghai ata hi nang kin hriat mai a ni.

⁷Ni tui luang sup sup irhâi hin tui inthûk chu an irsama: Ni tui irsôn le ni tui irthûl murdihai khan a ni ngîm irhmangtir tâka.

⁸Khannisianlân RENGPA’N a lungkhamna chu sûna inlang sianlân, A hla khan zâna ni ompui a ta, ki hringna Pathian kuanga chongchaina khan.

⁹Pathian ki lungpui kuang khan, “Ithoa mo a ni irnghil? Ithoa mo doitu hnuaisiana sika beidonga intemin ki iom ngai,” ti ki tih.

¹⁰Ki rua khandai om ang dênin a ni doituhai khan an nin sîrinsiat ngaia; “Khôn mo ni Pathian te?” an ni lei tia.

¹¹O ki hringna, ithoa mo ni ikûn chian? Ithoa mo ki sûnga hin ni ibuai? Pathian sabei roh: ama chu ki la inpâk hrang a ni. Ki hmêl indamtirtu le ki Pathian chu.