Read Hrangkhol INPÂKNA HLAHAI 43 Bible Online

INPÂKNA HLAHAI 43 - Hrangkhol bible

INPÂKNA HLAHAI 43

¹O Pathian, roi ni rêl pe’n lân, Pathian uksakloi nam chunga hin ki thu nin sîrpui ro: O, mi huanghmang mi dikloi ata hin ni saninzôk ro.

²Nang chu ki hrâtna Pathian ni nia; ithoa mo ni ni ikhôkmâk? Ithoa mo a ni doitu hnuaisiana sika beidonga irpeitema ki iom ngai?

³O ni vâr le ni thutak chu tîrsuakin lân, anni khan ni hruaihai sianlân: Ni tâng irthiang le ni omnahaia nin tungtir ri se.

⁴Khanchu Pathian maichâm kôla fe ki ti, Pathian ki râiinfânna kôla khan: O Pathian, ki Pathian, perkhuangin nang inpâk ki ti.

⁵O ki hringna, ithoa mo ni ikûn chian? Ithoa mo ki sûnga hin ni ibuai hi? Pathian sabei ro: ama chu ki la inpâk hrang a nia, Ki hmêl indamtirtu le ki Pathian chu.