Read Hrangkhol INPÂKNA HLAHAI 48 Bible Online

INPÂKNA HLAHAI 48 - Hrangkhol bible

INPÂKNA HLAHAI 48

¹RENGPA chu a roiinpuia, a saterenga inpâk hrang a ni, Ei Pathian khopuia, a tâng irthianga khan.

²Zion, Pathian tâng irthiang chu ar sângin en a hoia; Reng inthangtak khopui khan rammual pumpui lômna a zuang intunga.

³A rêng inhaia khan Pathianin kulpui irsâng a nih an hriattira.

⁴Irngai ta, rênghai chu an irpan khôma, an honga.

⁵An hmua, khanchu ar khêl an tia; An char a donga, an fe irhmang lata.

⁶Khanchu inthingna’n a dea, Nupang nâihase natna angin a tong tâka.

⁷Nisua tianga phâivua’n Tarsis irkuang lianhai kha nin siattir ngaia.

⁸Sipaihai RENGPA khopuia, ei Pathian khopuia khan, Mikuara ei inhriat ang dênin ei hmu ta: Pathianin kha khopui kha kumkhua hrangin indettir a ti.

⁹O Pathian, ni biak in sûngrila khan, Ni lungkhamzia hi kin ngaitua ta.

¹⁰O Pathian, nir hming ang dênin ni kut chang tiang khan felna’n a isip a ni.

¹¹Ni roirêlna sikin Juda nâinuhai chu raifân takin om ri sehai.

¹²Zion kha a vêlin, irhual unglân: A râl irdîpna in irsânghai kha tep roi.

¹³A kulpuihai kha irsinsia unglân, A rêng inhai kha ngaitua roi; Thoiinthar hong om nôkhai kuang nin hril theina hrangin.

¹⁴Hi Pathian hi kumkhontuanga ei Pathian a ini hrang a ni: Thi dên khoma a ni hruaitu ni a ti.