Read Hrangkhol INPÂKNA HLAHAI 5 Bible Online

INPÂKNA HLAHAI 5 - Hrangkhol bible

INPÂKNA HLAHAI 5

¹O RENGPA, ki chongchaia hin ni mikuar ni sung pe’n lân, Ki ngaituana hi ni ngaitua pe roh.

²Ki Reng le ki Pathian, ki khêkirhai hi le’rngaitua roh; Ni kuanga chongchai ki ni hi.

³O RENGPA, zînga chu ki’rhâi hi lei inhriat ni ta; Zînga chu ki chongchaina hi ni makunga rêl infel diam ki ta, lei irngaitua zui ki ti.

⁴Pualoinaa lôm ngai Pathian ni mak chea; Mi sual chu ni kuang tung no nihai.

⁵Mi lârirpâkhai chu ni mit hmua ngîr thei no nihaia. Thil tho’nsualtuhai murdi chu khôkmâk ngai ni ti.

⁶Milak ngaihai chu inboihai ni ta; RENGPA’N thisen insua hmang le mi huang hmang chu an tir ngai.

⁷Kei chu, ni lungkham irkhêl tak sikin, ni ina hong lût ki ta: Chi pumin ni biak in irthiang tiang irheiin chubai nang mûk ngai ki ti.

⁸O RENGPA, ki râlhai sika hin ni felna sika khan ni hruaiin lân; Ni lampui chu ki matona hin intûn thal roh.

⁹An bâia chu iamomna rêng rêng om maka; An phîng sûng chu pualoina inzen a ni: An hrok chu thân irhong ang a ni; An mileiin mi an inpâk pai pai ngai.

¹⁰O Pathian, annihai hi thiamno inchangtir roh; An inkungna ngei kha tûkpuina’n hmang ri sehai: An inchâina tam sika khan nam suak roh; Ni chunga tehel an zonga.

¹¹Nangmaa an iamna irnghat murdihai chu nangmaa khan lômhai sianlân, Nin zôk ngai sikin raifânin khêk kumkhua ri sehai; Ni’rhming irngaiinnathai chu nangmaa khan lôm takin om ri sehai.

¹²Mi fel chu satvur hrang ni nia; O RENGPA, ama kha chu phô angin lungkhamna’n hual ni ti.