Read Hrangkhol INPÂKNA HLAHAI 52 Bible Online

INPÂKNA HLAHAI 52 - Hrangkhol bible

INPÂKNA HLAHAI 52

¹O, mi hrât, ithoa mo thil tho’nsual ni isong? Pathian lungkhamna chu a iom mai a ni.

²Sûn nitâkin mi dang insiat hrang ni ngaituaa; Ni milei chu luvoina chemte ngaihdak ang a nia, milak vai ni tho.

³Sat nêkin sual nir ngaipoimo uala; Felna thu’nsîr nêkin milak thu’nsîr nir ngaipoimo uala.

⁴O, nang milei huang hmang, Thu, mi lungrîl inna thei murdi chu nir ngaipoimo ngaia.

⁵Pathianin kumkhua hrangin nang insiat a ti, Nang chel a ta, ni omna ata nang hnûk suak a ta, Mihring ram ata hi nang inpot suak pat a ti.

⁶Mi felhai khomin nang hmu’n nang chi an ta, Nang innuisan an ti.

⁷“En u ta, hi mi hi kêng, zôkna hranga Pathiana irnghat loia, A’rchongna irkhêltak tûng uala, A sualnaa hrât irti chu a ni tiin.

⁸Keima rêk chu, Pathian ina Oliv thing cher indônnut ang kha ki nia; Pathian lungkhamna chu kumkhontuangin iam ki ti.

⁹Kha kha ni tho sikin, kumkhua’n lômthu insîr mai ki ti: Ni mi irthianghai mithmua khan nir hming chu nghâk mai ki ta, a sa sikin.