Read Hrangkhol INPÂKNA HLAHAI 53 Bible Online

INPÂKNA HLAHAI 53 - Hrangkhol bible

INPÂKNA HLAHAI 53

¹Mi’nvêtin chu a lungrîlin, “Pathian reng om mah,” a ti ngaia. An siat zoia, thil sual intirom tak an thoa; Tûte thil sa tho reng om mahai.

²Inhre thiama Pathian zong rêng rêng an om mo ti inhre hrangin Pathianin irvân ata mihriam nâihai hi a zu ena.

³An kîr nôk zita; porinche takin an hong om nôk zita; Tûte thil sa tho reng om mahai, inkhat lua om mahai.

⁴Thil tho’nsualtuhai khan inhriatna rêng rêng an inei loi ma ni? Bai an ifâk angin ki mihai an fâk zoi zit ngaia, Pathian laka irlam ngai mahai.

⁵Chitna rêng rêng om loinaa khan chi dor dorin an oma: Pathianin bei tuma pantu ruhai chu an thekindartir tâka; Pathianin anni chu a paithâk sikin ni mualinphoitir anni tâka.

⁶Israelhai saninhringna chu Zion ata zuang suak sianlân chu o! Pathian chu a mihai suaka an iom kha a hruai kîr nôk tika, Kha tika chu Jakoba-hai kha an raifân a ta, Israelhai lôm an ti.