Read Hrangkhol INPÂKNA HLAHAI 57 Bible Online

INPÂKNA HLAHAI 57 - Hrangkhol bible

INPÂKNA HLAHAI 57

¹O Pathian, lung nin kham ro, lung nin kham ro; Ki hringna hi nangmaa khan a tûk lûta: A ni, ni mitha hnuaia khan lômna zong ki ti, vânduainahai hi ar kiang mâka chu.

²Pathian Anchungtak chu insam ki ti; Pathian itinrêng ni tho petu chu.

³Nin lem zoi tumtu chu a ni hrilinsiat tika, Ama khan irvân ata zuang tîr a ta, ni saninhring a ti. Pathianin a lungkhamna le thutak chu zuang tîr suak a ti.

⁴Ki hringna hi kâmkeibaknei kuang a oma; Mihriam nâihai fa’rhmangna laia khan ki oma. An hâhai chu ufei le thal ang a nia, An milei lak khandai ngaihtak a ang.

⁵O Pathian, nang chu irvân khêl tiang khin chôiindômin omin lân,

⁶Ki ke in-ôkna hrangin lên an dâpa; Ki hringna hi a kûn chian chiana: ki matona khurpadop an choia; Anni ngei a laitaka an tâk tâka.

⁷Ki milung hi a idet a ni, O Pathian, Ki milung hi a idet a ni. Hla sak ki ta, a ni, inpâkna hla sak ki ti.

⁸Ki roiinpuina, har ro; perkhuang serândahaio, har roi: Kei chu zîng taka har ki ti.

⁹O RENGPA, mi tinhai laia lômthu nang hril ki ti: Nam tin laia nangma inpâkin zâi ki ti.

¹⁰Ni lungkhamna chu irvân phâk rak ang dôr a nia, Ni thutak chu irvân dum phâk rak ang dôr a ni.

¹¹O Pathian, nang chu irvân khêl raka khin chôiindômin lei omin lân, Ni roiinpuina chu irnêng murdi chunga hin lei om ri se.