Read Hrangkhol INPÂKNA HLAHAI 6 Bible Online

INPÂKNA HLAHAI 6 - Hrangkhol bible

INPÂKNA HLAHAI 6

¹O RENGPA, ningmurin ni halirchu no’n lân, Ninginmurin ni sep sa no roh.

²O RENGPA, lung nin kham roh; ki sôl zoi tâk kêng: O RENGPA, nin damtir roh; ki ruhai hi a na zit ta.

³Ki hringna khom a lunginzîng tak tak a ni: O RENGPA, nangin idôr ten mo ni ni inthâ ta hrang?

⁴O RENGPA, zuang kîr nôkin lân, ki hringna ni saninzôkin lân: Ni lungkhamna sikin ni saninhring roh.

⁵Thi hnung chu nangma inhriat maina om maka: Seol-ah tu’n mo lômthu nang hril hrang?

⁶Zâmirzalin ki’rzal tâka; Zân tin ki zâlna chu ki mit irthi’n a duia; Ki zâlna chu ki mit irthi’n kin duitir ngai.

⁷Hmu khom hmu thei ta ma ung: Râl sikin ki chapa, ki mit khom a zîng zoi ta.

⁸Nangni thil tho’nsual murdihaio, ni rotsan zit roi; RENGPA’N ki chap irhâi an hriat tâka,

⁹RENGPA’N lungkham ki ngênna chu a’rngaitua tâka; RENGPA’N ki chongchaina chu lôm a ti.

¹⁰A ni doituhai murdi chu mualinphoiin lunginzîng tak tak an ta; Kîr nôk an ta, voikhatin la mualinphoi thut an ti.