Read Hrangkhol INPÂKNA HLAHAI 60 Bible Online

INPÂKNA HLAHAI 60 - Hrangkhol bible

INPÂKNA HLAHAI 60

¹O, Pathian nangin ni nin thaa, ni nin siata; Ni ning ni lei inmur tâka; O, ni kaithoi inngîr nôk roh.

²Hi ram hi nin hnîngtira; nin kaktir tâka: A kakhai kha siam insa nôkin lân; an hnîng an hnînga.

³Ni mihai hi thil ngar tak nin tongtira: Lu’nhnâina uain chu ni nin intir tâka.

⁴Nangma chituhai kuang chu puanzâr ni pêk tâka, Thutak sika zâr a ni theina hrangin.

⁵Ni indit takhai hi saninzôka an om theina hrangin, Ni kut chang tiang saninhringin lân, ni sâm roh.

⁶Pathianin a’rthiangnaa khan hiang hin an sîra, “Lôm ki ta: Sekem khua chu sem ki ta, Sukoth phâi chu semindarh sa ki ti.

⁷Gilead ram chu ki ta a nia, Manasea ram khom ki ta a ni; Efraima ram khom kha ki lu inzôkna a nia; Juda ram chu ki rêng khianghrol a ni.

⁸Moab ram chu ki irsilna bêl a nia; Edom rama khan ki kekok pai ki ti: Filistia ram, nang chu keima sika hin khêk ro ba,” tiin.

⁹Khopui det taka khan tu’n mo a ni hruai inlût hrang? Edom rama khan tu’n mo a ni hruai hrang?

¹⁰O Pathian, nangma ngeiin ni ni inthâ mo ni ma? O Pathian, kin sipaihai kuang lak suak ta mak chea.

¹¹Doituhai bei hrangin ni changpuiin lân, Mihriam changpuina chu ite ni loi a nia.

¹²Pathian zâra hâitakin tho ei ti: Ama chu a ni doituhai sirbêtu hrang a nia.