Read Hrangkhol INPÂKNA HLAHAI 61 Bible Online

INPÂKNA HLAHAI 61 - Hrangkhol bible

INPÂKNA HLAHAI 61

¹O Pathian, ki khêkirhai hi lei inhria’n lân; Ki chongchaina hi irngai roh.

²Ki milung a sôl laiin kôlkung ata nang koi ki ti: Lungpui keima nêka irsâng uala khan ni hruaiin lân,

³Nang chu ki hrangin saninzôkna, Doituhai ata râl enna in irsâng dettak ni nia,

⁴Ni puan ina khan kumkhua’n om ki ta: Ni mitha hnuai irbîkna hmuna khan irpelût ki ti.

⁵O Pathian, nangma’n chu ki thu’nkunghai nir ngaituaa: Ni’rhming chituhai ram lua chu ni pêka.

⁶Reng hring sûng hi insei ni ta: A kumhai chu irlo tamtak dôr ni a ti.

⁷Pathian makunga kumkhua’n om mai a ti: O, ama sûnghual theina hrangin lungkhamna le thutak sinsiam roh.

⁸Khanchu ki thu’nkunghai a nitin ki sua theina hrangin, Kumkhua’n nir hming inpâkin zâi ki ti.