Read Hrangkhol INPÂKNA HLAHAI 65 Bible Online

INPÂKNA HLAHAI 65 - Hrangkhol bible

INPÂKNA HLAHAI 65

¹O Pathian, Zion-a khan inpâkna’n nang a nghâk mai: Thu’nkung chu ni kuang sua ni a ti.

²O chongchaina irngaituatu, Ni kuang taksa murdi chu hong an ti.

³Tho’nchâinahai khan a nin hnê ngai nâkin: Kin porinchenahai murdi nangin ni’rsunfâi ni ta;

⁴Mi, ni biak in hual sûng kholaihaia om thei hranga, Ni thâna nangma tianga ni inpantir kha, a vân a sa: Ni in satna khan khop kin ti, Ni biak in hmun irthiang satna khan.

⁵O a ni saninhringtu Pathian, Thil irkhêlhaiin fel takin ni sâm ni ta; Nang chu kôlkunga mi murdihai le, Tuikhanglian chung hlataka omhai iamna chu ni ni:

⁶Sinthotheinaa konga khita, Mâni hrâtnaa tânghai indet ngaitu chu ni ni;

⁷Tuikhanglian inri dur dur, ar sôn inri dur durhai leh, Mipui irhel sup sup khom a’rngamtir ngaitu ni ni.

⁸Kôlkung monga omhai khom khan ni inhriatnahai kha an chi ngaia: Zîng le khohloi suaknahai kha raifânin an khêktir ngai.

⁹Irnêng hi ni kana, tuiin nin fâa; A saterengin nin satira; Pathian vadung chu tuiin a sipa: Irnêng hi khaanga ni sinsiam zoiin chu an ta hrangin bu ni siam pehai ngai.

¹⁰Loimânhai chu ruatui tamtakin nin fâa, Tuiin nin chiea; A tânghai kha nin zortira, Khanchu chîmu mônghai kha sat ni vur ngai.

¹¹Kum chu ni satna nin khumtira, Ni fena lampuihai kha thil sa’n a zung ngai.

¹²Ramchâra sa lêngna hmunhaia a zunga, Tânghai khom raifânna’n an sip ngai.

¹³Mual le tânghai chu belra rualin an dâpa; Phâihai chu buhaiin a’rkhu khaka, Tinrêng râifâna khêkin hla an sak ngai.